لاہور : پنجاب حکومت نے کورونا صورتحال میں بہتری کے بعد کل سے تعلیمی اداروں میں 100 فیصد حاضری کا فیصلہ کرلیا اور کہا طلباکورونا ایس او پیز کے تحت سکول آئیں گے۔
تفصیلات کے مطابق محکمہ تعلیم پنجاب نے کل سے اسکولوں میں 100 فیصد حاضری کا فیصلہ کرلیا، کل سے 100 فیصد حاضری کےتحت طلبااسکول جائیں گے۔
اس حوالے سے سی ای اوایجوکیشن پرویزاختر نے کہا کہ کرونا کیسز میں خاطر خواہ کمی آئی ہے ، طلباء کو کل سے سکولوں میں سو فیصد حاضری کے تحت خوش آمدید کریں گے۔
پرویزاختر کا کہنا تھا کہ طلباکورونا ایس او پیز کے تحت سکول آئیں گے تاہم ایس او پیز کیخلاف ورزی پر سکول سربراہان کیخلاف کاروائی ہوگی۔
یاد رہے 27 جنوری کو نیشنل کمانڈ اینڈ آپریشن سینٹر نے فروری کے وسط تک کووِڈ-19 کیسز کی 10 فیصد سے زیادہ مثبت شرح کے ساتھ شہروں میں اسکولوں پر پابندیاں بڑھانے کا فیصلہ کیا تھا۔
این سی او سی کا کہنا تھا کہ جن شہروں میں انفیکشن کی شرح 10 فیصد سے زیادہ ہے وہ اسکول 12 سال سے کم عمر کے طلبہ کے لیے 50 فیصد حاضری کے ساتھ کلاسز کی اجازت دیں گے۔
