کراچی: رینجرز کی مختلف علاقوں میں کارروائیاں، 12 ملزمان گرفتار -
The news is by your side.

Advertisement

کراچی: رینجرز کی مختلف علاقوں میں کارروائیاں، 12 ملزمان گرفتار

کراچی: سندھ رینجرز نے مختلف علاقوں میں کارروائیاں کرتے ہوئے 12 ملزمان کو گرفتار کر لیا، ملزمان سے غیر قانونی اسلحہ، گولیاں اور مسروقہ سامان بر آمد کیا گیا۔

تفصیلات کے مطابق شہرِ قائد میں جرائم کے خاتمے کے لیے رینجرز کی کام یاب کارروائیاں جاری ہیں، مختلف علاقوں سے مزید بارہ ملزمان کو حراست میں لے لیا گیا ہے۔

گرفتار ملزمان میں عزیز آباد سے ایم کیو ایم لندن سے تعلق رکھنے والے 2 ملزمان بھی شامل ہیں۔

ترجمان رینجرز کا کہنا ہے کہ گرفتار ملزمان کو قانونی کارروائی کے لیے پولیس کے حوالے کر دیا گیا ہے۔

رینجرز ترجمان کے مطابق گرفتار ملزمان میں عزیز آباد سے ایم کیو ایم لندن سے تعلق رکھنے والے 2 ملزمان بھی شامل ہیں جو سائبر کرائم کی متعدد وارداتوں میں ملوث ہیں۔

چاکیواڑہ اور کھارادر سے لیاری گینگ وار کے 2 ملزمان بھی گرفتار کیے گئے، ان ملزمان کا تعلق عزیر بلوچ، فاروق مایا گروپ اور غفاز ذکری گروپ سے ہے، ملزمان بھتہ اور متعدد وارداتوں میں بھی ملوث ہیں۔


یہ بھی پڑھیں:  ارشد پپو قتل کیس : رینجرز نے عزیر بلوچ کا حلفیہ اعترافی بیان پیش کردیا


ترجمان رینجرز نے بتایا کہ نبی بخش اور ملیر کالونی کے علاقوں سے 4 ملزمان کو گرفتار کیا گیا ہے، یہ ملزمان بھتہ خوری اور ٹارگٹ کلنگ کی وارداتوں میں ملوث ہیں۔

رینجرز کے مطابق نبی بخش کے علاقے سے ملزم عبد المتین کو گرفتار کیا گیا، ملزم اسلحے کی غیر قانونی ترسیل اور بھتہ خوری کی وارداتوں میں ملوث ہے۔

Comments

comments

یہ بھی پڑھیں