پاکستان کی ترسیلات زر میں 13 فیصد کمی

پاکستان کے ترسیلات زر میں 10 ماہ کے دوران 13 فیصد تک کمی ہوئی ہے۔

اسٹیٹ بینک نے ترسیلات زر سے متعلق تفصیلات جاری کرتے ہوئے بتایا کہ پاکستان کے 10ماہ میں ترسیلات زر13 فیصد کم ہوئے اور 22 ارب 70 کروڑ ڈالر موصول ہوئے۔

اسٹیٹ بینک کے مطابق پچھلے مالی سال کے 10ماہ میں ترسیلات زر 26 ارب 10کروڑ ڈالر موصول ہوئے تھے پاکستان میں اپریل کےدوران ترسیلات زرمیں13فیصد کی کمی ہوئی۔ ورکرز ترسیلات زر اپریل میں کم ہو کر2 ارب 20کروڑ ڈالر رہ گئے۔

اسی طرح مارچ 2023 میں 2 ارب 50کروڑ ڈالر کے ترسیلات زرموصول ہوئے تھے۔

Comments