اسلام آباد: انٹرنیٹ استعمال کرنے والے پاکستانیوں کیلیے بری خبر یہ ہے کہ سنگاپور سے پاکستان اور یورپ کو ملانے والی فائبر آپٹیکل کیبل کٹ گئی۔
ذرائع نے اے آر وائی نیوز کو بتایا کہ ساؤتھ ایسٹ ایشیا، مڈل ایسٹ اور یورپ کیبل کو انڈونیشیا کے قریب کٹ لگے، آپٹیکل فائبر سب میرین کیبل پر 5 کٹ لگ گئے جسے ٹھیک کرنے میں ایک مہینہ لگے گا۔
ذرائع نے بتایا کہ کیبل انڈونیشیا کے قریب کٹ گئی تھی۔
آپٹیکل فائبر کٹنے سے مشرقی سمت سے آنے والی انٹرنیٹ سروس جبکہ پی ٹی سی ایل اور ٹرانس ورلڈ کی مشرقی سمت سے آنے والی ٹریفک بھی متاثر ہے۔
پاکستانی صارفین کو انٹرنیٹ براؤز کرنے میں شدید مشکلات کا سامنا ہے اور ان کو شام کے اوقات میں انٹرنیٹ براؤز کرنے میں دشواری کا سامنا رہے گا۔
پی ٹی سی ایل سے منسلک ذرائع نے بتایا کہ مشرقی سمت سے آنے والی ٹریفک 10 فیصد سے بھی کم ہے تاہم ٹریفک کو متبادل ذرائع پر شفٹ کر دیا گیا۔
