The news is by your side.

Advertisement

گٹرلائن سے دنیا کا تیسرا بڑا کوبرا سانپ برآمد

بنکاک: جنوبی تھائی لینڈ کے رہائشی علاقے کی گٹر لائن سے 13 فٹ لمبا زہریلا کوبرا سانپ برآمد ہوا، ریسکیو اہلکاروں نے ایک گھنٹے کی مشقت کے بعد سانپ کو پکڑا۔

تفصیلات کے مطابق جنوبی تھائی لینڈ کے رہائشی عمارت میں اس وقت خوف وہراس پھیل گیا جب لوگوں نے گٹرلائن میں 13 فٹ لمبا کوبرا سانپ دیکھا۔

عمارت میں رہنے والے لوگوں نے فوراََ ریسکیو ادارے کو فون کرکے مطلع کیا۔ سات ریسکیو اہلکار جب موقع پر پہنچے تو وہ بھی دیکھ کر حیران ہوگئے کہ رہائشی علاقے میں اتنا بڑا سانپ کیسے آگیا تاہم انہوں نے ایک گھنٹے کی مشقت کے بعد سانپ کو پکڑلیا۔

ریسکیو حکام کے مطابق پکڑے جانے والے کوبرا سانپ کی لمبائی 13 فٹ جبکہ وزن 15 کلو ہے۔ یہ اب تک پکڑے جانے والے طویل ترین کوبرا سانپوں میں تیسرے نمبر پر ہے جسے طبی امداد کے بعد جنگل میں چھوڑ دیا گیا۔ اب تک کا سب سے لمبا ترین کوبرا سانپ 19.2 فٹ کا تھا۔

یاد رہے کہ رواں سال اگست میں جرمن ریاست نارتھ رائن ویسٹ فیلیا کے شہر ہیرنے میں ایک ہفتے تک خوف میں مبتلا رکھنے والے زہریلے کوبرا سانپ کو پکڑ لیا تھا۔ جرمنی میں پائے جانے والے سانپوں کی اقسام میں سے صرف دو زہریلی اقسام ہیں۔ کوبرا سانپ جرمنی میں نہیں پایا جاتا۔

Comments

comments

یہ بھی پڑھیں