لاہور : ظالم قاری کے بہیمانہ تشدد سے زخمی ہونے والا تیرہ سالہ بچہ دم توڑ گیا، معلم نے انس کو مدرسے سے چھٹی کرنے پر تشدد کا نشانہ بنایا۔
تفصیلات کے مطابق لاہور کے علاقے ملت پارک میں معلم کےبیمانہ تشدد سے زخمی ہونے والا بچہ گنگارام ہسپتال میں دم توڑ گیا۔
واقعہ ملت پارک کے علاقے میں اکیس ستمبر کو پیش آیا، تیرہ سالہ انس نے بارش کی وجہ سے چھٹی کی اور جب اگلے دن مدرسے گیا تو معلم قاری شعیب نے تشدد کرنا شروع کردیا، زمین پر پٹختا رہا۔
چھوٹے بھائی نے بچانے کی کوشش کی تو معلم ڈراتا دھمکاتا رہا، چھوٹا بھائی عشر اور انس بائیس سپارے حفظ کر چکا تھا۔
پولیس نے بتایا کا کہنا تھا کہ معلم نے تیرہ سالہ انس کومدرسے سے چھٹی کرنے پر شدید تشدد کا نشانہ بنایا اور بچے پر ڈنڈوں سے تشدد کیا، جس سے بچہ بری طرح شدید زخمی ہوگیا تھا۔
معلم نے تشدد اور ہمیں حقیقت سے دور رکھا جب بات بگڑ گئی تو بچے اسپتال منتقل کیا، انس تین روز تک اسپتال میں زندگی اور موت کی کشمکش میں مبتلا رہنے کے بعد جان کی بازی ہار گیا۔
پولیس نے تین روز قبل ہی ملزم قاری شعیب کو گرفتار کر کے مزید تفتیش کے لیے انویسٹیگیشن ونگ کے حوالے کردیا ہے۔
