لاہور: اقبال ٹاؤن میں ٹک ٹاک کے جنونی 15 ون ویلرز کو پولیس نے گرفتار کرلیا۔
تفصیلات کے مطابق شہر کی مختلف سڑکوں پر نوجوانوں کی طرف سے موٹرسائیکلوں پر ون ویلنگ اور خطرناک کرتب کرنے کا سلسلہ جاری ہے جبکہ سحری کے وقت بھی ون ویلنگ کرنے کا رجحان زور پکڑ رہا ہے، تاہم لاہور میں اپنی اور دوسروں کی جان خطرے میں ڈالنے والے 15 ون ویلرز کو اقبال ٹاؤن پولیس نے گرفتار کرلیا۔
ایس پی اقبال ٹاؤن کا کہنا تھا کہ خطرناک کرتب دکھانے والے ملزمان ون ویلنگ، زگ زیگ اور تیز رفتاری سے موٹرسائیکلیں چلا رہے تھے۔
پولیس کا مزید کہنا تھا کہ ملزمان سوشل میڈیا پر ون ویلنگ کی ویڈیوز بھی اپلوڈ کرتے تھے، ملزمان کے خلاف مقدمات درج کرنے کے بعد حوالات میں بند کر دیا گیا۔
Comments
- Advertisement -
