لاہور: چیئرمین پی ٹی آئی نے معروف صحافی اور اینکر عمران ریاض کو زہر دئیے جانے کے خدشے کا اظہار کردیا ہے۔
سماجی رابطے کی ویب سائٹ ٹوئٹر پر جاری بیان میں عمران خان نے کہا کہ عمران ریاض کو ایسی جیل میں رکھا جہاں مہذب ممالک جانور کو بھی نہ رکھیں، معروف صحافی کو زہر دینےکا بھی شبہ ہے ، تمام ذمہ داروں کو شرم آنی چاہیے۔
عمران خان نے لکھا کہ ایسے اقدام خوفزدہ کرنے کے بجائے عوام کے غصے میں اضافہ کرتا ہیں جس سے بدمعاشوں ،انکے ہینڈلرز کیخلاف عوام کےغصےمیں اضافہ ہوتا ہے۔
Imran Riaz was kept in a cage, where civilised countries would not even allow animals to be kept.Poisoning also suspected.All those responsible shd be ashamed. Rather than scaring ppl of Pak into silence,this only adds to ppl's anger against this cabal of crooks & their handlers. pic.twitter.com/9CYvls6OZC
— Imran Khan (@ImranKhanPTI) July 15, 2022
چیئرمین پی ٹی آئی نے اپنے آفیشل اکاؤنٹ سے ویڈیو بھی شیئر کی۔
واضح رہے کہ آج نامور اینکر عمران ریاض لاہور سے دبئی جانے کے لئے لاہور ایئرپورٹ پہنچے تو امیگریشن حکام نے انہیں طیارے سے آف لوڈ کردیا۔
ایف آئی اے ذرائع کا کہنا ہے کہ ان کا نام بلیک لسٹ میں شامل ہونے کے باعث یہ اقدام اٹھایا گیا، واقعے سے متعلق اعلیٰ افسران کو آگاہ کردیا گیا ہے۔
یہ بھی پڑھیں: صحافی عمران ریاض کو بیرون ملک جانے سے روک دیا گیا
بعد ازاں معروف صحافی نے ٹوئٹ کیا کہ میرے ڈاکٹرز کے مطابق دوران گرفتاری مجھے کچھ ایسا کھانے کے لیے دیا گیا جو خطرناک ثابت ہو سکتا ہے، مجھے کچھ ٹیسٹ کروانے تھے تاکہ ثابت کر سکوں کہ کیا کوشش کی گئی ہے؟ مگر مجھے ایئر پورٹ پر روک لیا گیا ہے۔
انہوں نے لکھا کہ واقعے سے متعلق مکمل تفصیلات کچھ دیر میں شیئر کروں گا۔
واقعہ رپورٹ ہونے کے بعد سوشل میڈیا پر ‘عمران ریاض خان پوائزنڈ’ کے نام سے ٹرینڈ جاری ہے، جس پر ہزاروں صارفین نے اپنی آرا کا اظہار کیا اور اسے اوچھا اقدام قرار دیا، کسی نے لکھا کہ حق وسچ کی آواز بند کرنے کے لئے حکومت ہٹ دھرمی پر اتر آئی۔
