لاہور : جناح ہاؤس حملہ کیس میں سولہ شرپسندوں کو ملٹری ایکٹ کے تحت کارروائی کیلئے کمانڈنگ افسر کے حوالے کرنے کا حکم دے دیا گیا۔
تفصیلات کے مطابق جناح ہاؤس میں جلاؤ گھیراؤ اور توڑ پھوڑ کے مقدمے میں بڑی پیشرفت سامنے آئی ، انسداد ہشت گردی کی عدالت میں جناح ہاؤس حملہ کیس کی سماعت ہوئی۔
ملڑی ایکٹ کےتحت کارروائی کیلئے کمانڈنگ افسر نے 16 شرپسندوں کی حراست مانگی، عدالت نے کمانڈنگ افسر کی استدعا کو منظور کرلیا، شرپسندوں پر جناح ہاؤس میں جلاؤ گھیراؤ اور توڑ پھوڑ کامقدمہ درج ہے۔
عدالت نے سابق ایم پی اےمیاں اکرم عثمان سمیت 16 ملزمان کو کمانڈ افسر کے حوالے کرنے کا حکم دے دیا اور فیصلے میں کہا کہ کمانڈنگ افسرکےمطابق ملزمان آفیشل سیکرٹ ایکٹ کے سیکشن 3،7 اور 9 کے تحت قصور وار پائے گئے۔
فیصلے میں کہا گیا کہ ملزمان کے خلاف آرمی ایکٹ 1952 کے تحت ٹرائل ہوسکتا ہے، پراسکیوشن نے کمانڈر کی درخواست پر اعتراض نہیں کیا، سپرنٹنڈنٹ کیمپ جیل 16ملزمان کو کارروائی کیلئےکمانڈرافسرکےحوالےکردے۔
