The news is by your side.

Advertisement

دورہ انگلینڈ، 18 کھلاڑیوں‌ نے کرونا کو شکست دے دی

لاہور: دورہ انگلینڈ کے لیے قومی کرکٹ ٹیم کے 18 کھلاڑیوں کے کرونا ٹیسٹ نیگیٹو آگئے۔

اے آر وائی نیوز کی رپورٹ کے مطابق دورہ انگلینڈ سے قبل قومی کرکٹ ٹیم کے 18 کھلاڑیوں میں کرونا وائرس کو شکست دے دی، ریزرو کھلاڑی روحل نذیر کا کرونا ٹیسٹ بھی نیگیٹو آگیا۔

ذرائع کا کہنا ہے کہ قومی ٹیم کا 20 رکنی اسکواڈ کل دورہ انگلینڈ کے لیے روانہ ہوگا، ریزرو کھلاڑی ظفر گوہر انگلینڈ سے ٹیم کو جوائن کریں گے۔

پی سی بی ذرائع کا کہنا ہے کہ جن کے پہلے ٹیسٹ پازیٹو آئے ان میں سے 6 نیگیٹو ہوگئے۔

مزید پڑھیں: پاک انگلینڈ ٹیسٹ اور ٹی 20 میچز کا حتمی شیڈول؟

رپورٹ کے مطابق جن کھلاڑیوں نے کرونا کو شکست دی ان میں محمد حسنین، شاداب خان، فخر زمان، محمد رضوان، محمد حفیظ اور وہاب ریاض شامل ہیں۔

واضح رہے کہ اس سے قبل قومی کرکٹ ٹیم کے 13 کھلاڑیوں کے ٹیسٹ مثبت آئے تھے جبکہ محمد حفیظ کی ٹیسٹ رپورٹ دو مرتبہ مثبت اور ایک بار منفی آئی تھی۔

سابق کرکٹر انضمام الحق نے کھلاڑیوں کے کرونا کا شکار ہونے پر پی سی بی حکام کو شدید تنقید کا نشانہ بنایا تھا، انضمام کا کہنا تھا کہ کرونا کے پھیلاو کے باوجود پی سی بی نے کوئی حتمی پالیسی نہیں بنائی جو ان کی نااہلی کا منہ بولتا ثبوت ہے۔

Comments

یہ بھی پڑھیں