The news is by your side.

Advertisement

"پوری حکومت صرف ایک ووٹ پر زندہ ہے”

راولپنڈی: عوامی مسلم لیگ کے سربراہ شیخ رشید کا کہنا ہے کہ امپورٹڈ حکومت کے پاس صرف ایک ووٹ کی اکثریت ہے، یہ اداروں سے بھیک مانگ رہے ہیں کہ انہیں ایک سال کی گارنٹی دی جائے۔

تفصیلات کے مطابق راولپنڈی کے لاہور ہائی کورٹ بینچ میں عبوری ضمانت سے متعلق کیس کی سماعت کے بعد میڈیا سے گفتگو میں شیخ رشید نے شہباز حکومت کو آڑے ہاتھوں لیتے ہوئے کہا کہ ان کی مرکز میں صرف ایک ووٹ کی اکثریت ہے، ساری اپوزیشن ایک ووٹ پرزندہ ہے۔

شیخ رشید نے دعویٰ کیا کہ نگراں وزیراعظم کیلئے معیشت دانوں کےانٹرویو پنڈی اسلام آباد میں ہورہے ہیں، اکتیس مئی سے پہلے بڑے فیصلے ہونے ہیں، ساری قوم عمران خان کےساتھ ہے۔

انہوں نے مزید کہا کہ پوری قوم لانگ مارچ کیلئےعمران خان کے ساتھ ہے، بہتر ہوگا لانگ مارچ سے قبل الیکشن کا اعلان کردیں۔

شیخ رشید کا کہنا تھا کہ سپریم کورٹ کےفیصلےکےبعداسمبلی کی کوئی حیثیت نہیں رہی ہے، حکومت الیکشن میں جتنی دیر کرے گی اتنی ہی اپنے لیے قبر کھودیں گے، شہباز حکومت کی جانب سے اداروں پر کیسز واپس لینےکیلئے دباؤ ڈالاجارہا ہے، یہ نیب اورایف آئی اے کا کچھ نہیں بگاڑ سکیں گے۔

انہوں نے کہا کہ حکومتی اتحادی یہ سب صرف میڈیا کی حدتک متحد ہیں۔

Comments

یہ بھی پڑھیں