راولپنڈی : 190 ملین پاؤنڈ ریفرنس میں احتساب عدالت کے فیصلے میں کہا گیا ہے بانی پی ٹی آئی کرپشن اور کرپٹ پریکٹسز میں ملوث پائے گئےاور بشریٰ بی نے معاونت کی۔
تفصیلات کے مطابق 190ملین پاؤنڈ ریفرنس کا تحریری فیصلہ سامنے آگیا ، احتساب کی خصوصی عدالت کےجج ناصرجاوید رانا نے ریفرنس کا فیصلہ سنایا۔
جس میں کہا ہے کہ نیب ریفرنس کے مطابق عمران خان کرپشن میں ملوث پائے گئے اور بشریٰ بی بی کو سہولت کاری پر مجرم قرار دیا جاتا ہے۔
عدالت نے کہا کہ عمران خان ،بشریٰ بی بی کونیب قانون کے سیکشن 10اے کے مطابق سزا سنائی گئی ، دونوں فیصلہ سننے کیلئے پیش ہوئے۔
مزید پڑھیں : 190 ملین پاؤنڈ ریفرنس ، بانی پی ٹی آئی کو 14 اور بشریٰ بی بی کو 7 سال قید کی سزا
احتساب عدالت کا کہنا تھا کہ 190ملین پاؤنڈ ریفرنس کے فیصلے کی کاپیاں مجرموں کو فراہم کی جائیں، ریفرنس کے فیصلے کیخلاف دونوں مجرمان اپیل کا حق رکھتے ہیں۔
عدالت نے 190 ملین پاؤنڈ ریفرنس میں بانی پی ٹی آئی کو چودہ سال قید اور دس لاکھ جرمانے کی سزا سنادی گئی جبکہ بشریٰ بی بی کو سات سال قید اور پانچ لاکھ روپے جرمانے کی سزا سنائی۔
جرمانہ ادا نہ کرنے پربانی پی ٹی آئی کو مزید چھے ماہ اور بشریٰ بی بی کو مزید تین ماہ قید کی سزا ہوگی جبکہ احتساب عدالت نے القادر یونیورسٹی کوسرکاری تحویل میں لینے کا حکم دے دیا۔
