اسلام آباد : قومی احتساب بیورو (نیب) نے 190 ملین پاؤنڈ کیس میں اہم پیشرفت کرتے ہوئے بانی پی ٹی آئی اوراہلیہ کی سزاکیخلاف اپیلوں پر پیروی کے لیے ٹیم تشکیل دے دی۔
تفصیلات کے مطابق اسلام آبادہائیکورٹ میں 190 ملین پاؤنڈ کیس میں بانی پی ٹی آئی اوراہلیہ کی سزاکیخلاف اپیلوں پر سماعت کیلئے نیب کی خصوصی ٹیم تشکیل دے دی گئی۔
نیب نے پانچ اسپیشل پراسیکیوٹرز کو کیسز کی پیروی کے لیے تعینات کر دیا ہے ، ڈپٹی پراسیکیوٹر جنرل سردار مظفر عباسی نیب کی لیگل ٹیم کو لیڈ کریں گے۔
عرفان احمدبھولا، سہیل عارف ، رافع مقصود، یاسر سلیم رانالیگل ٹیم کاحصہ ہوں گے، پراسیکیوٹر جنرل احتشام قادرشاہ نے چیئرمین نیب کی منظوری سے ٹیم تشکیل دی۔
مزید پڑھیں : 190 ملین پاؤنڈ کیس: بانی پی ٹی آئی اور بشریٰ بی بی کی اپیلیں سماعت کیلیے مقرر
ٹیم اسلام آباد ہائی کورٹ میں زیرِ سماعت اپیلوں اور دیگر قانونی امور کی پیروی کرے گی۔
واضح رہے قائم مقام چیف جسٹس کی سربراہی میں دو رکنی بینچ بانی پاکستان تحریک انصاف اور ان کی اہلیہ بشریٰ بی بی کی سزا معطلی کی درخواستوں پر 5 جون کو سماعت کرے گا۔
