The news is by your side.

Advertisement

جانوروں میں جلدی بیماری سنگین صورتِ حال اختیار کر گئی

کراچی میں جانوروں مویشیوں میں پھیلی جلدی بیماری سنگین صورتِ حال اختیار کر گئی ہے۔

صوبائی ٹاسک فورس نے جانوروں میں لمپی اسکن بیماری کے اعداد و شمار جاری کر دیے ہیں۔ لمپی اسکین بیماری سے مرنے والے جانوروں کی مجموعی تعداد 194 ہوگئی۔

اعداد و شمار کے مطابق جلدی بیماری سے ایک روز میں مزید 5 جانور ہلاک ہوگئے، بیمار جانوروں کی تعداد میں بھی مزید اضافہ ہوگیا ہے، بیماری میں مبتلا جانوروں کے 318 نئے کیسز سامنے آئے ہیں۔

مزید پڑھیں: جانوروں میں جلدی بیماری کس ملک سے آئی؟

ٹاسک فورس نے کہا کہ بیمار جانوروں کی تعداد 26 ہزار 749 سے تجاوز کر گئی ہے، کراچی میں سب سے زیادہ 16 ہزار 186، ٹھٹھہ میں 4 ہزار 437، حیدر آباد میں 527، ٹنڈو محمد خان میں 787، بدین میں 842، تھانہ بولا خان میں 724، خیر پور میں 565، قمبر شہداد کوٹ میں 492، جامشورو میں 366، سانگھڑ میں 621 گائے جلدی بیماری سے متاثر ہو چکے ہیں۔

لمپی اسکین سے صحت یاب ہونے والے جانوروں کی تعداد 10 ہزار 683 ہے۔ وائرس سے مرنے والے جانوروں کی تعداد کراچی میں 20، ٹھٹھہ میں 46، حیدر آباد میں 12، سجاول میں 9، ٹنڈو محمد خان میں 6، بدین میں 6، سانگھڑ میں 10، مٹیاری میں 3، بے نظیر آباد میں 6، خیر پور میں 27، قمبر شہداد کوٹ میں 10، جامشورو میں 10، تھانہ بولا خان میں 23، چڈ کیو 4 اور دادو میں 1 ہے۔

Comments

یہ بھی پڑھیں