وزیراطلاعات عطاتارڑ نے کہا ہے کہ افواج پاکستان اور پاکستانی قوم کو کوئی شکست نہیں دے سکتا، بھارت یاد رکھےگا اس نے کس قوم کو للکارا تھا۔
تفصیلات کے مطابق وفاقی وزیراطلاعات عطاتارڑ کا کہنا تھا کہ ہم نے دشمن سے 1971 کا بدلہ لےلیا، آرمی چیف کی قیادت میں ایسا جواب دیا کہ بھارت قیامت تک یاد رکھےگا، آرمی چیف کی قیادت میں فتح میزائل یہاں سے گیا تو بھارت میں کھلبلی مچ گئی۔
عطاتارڑ نے کہا کہ بھارت نے رات میں حملہ کیا پاک فضائیہ نے 6 جہاز مار گرائے، پاک افواج نے بھرپور طریقے سے بھارت کے حملے کو پسپا کیا، پاک افواج نے دشمن کو سفید جھنڈا لہرانے پر مجبور کیا۔
وزیراعظم کی قیادت میں نیشنل سیکیورٹی کمیٹی نے فیصلے کیے، آرمی چیف نے نیشنل سیکیورٹی کے فیصلوں کو عملی جامہ پہنایا۔
انھوں نے کہا کہ وزیراعظم اور افواج پاکستان نے ملکر سفارتی محاذ سنبھالا، ہم تو پہلگام واقعے کی تحقیقات کیلئے تیار تھے، دشمن بھاگ گیا، آرمی چیف نے سفارتی محاذ پر تاریخی سپورٹ دی۔
وزیراطلاعات نے کہا کہ وزیرخارجہ اسحاق ڈار نے سفارتی محاذ پر پاکستان کا مقدمہ لڑا، پوری قوم نے بھارت کے پروپیگنڈے کو بےنقاب کیا۔
عطاتارڑ نے کہا کہ دن رات جاگ کر بھارتی پروپیگنڈے کا بھرپور جواب دیا، یہاں جشن ہورہا ہے بھارت میں صف ماتم بچھی ہے، نواز شریف نے 6 ایٹمی دھماکے کیے تھے، شہباز شریف کی قیادت میں بھارت کے 6 جہاز گرائے۔
انھوں نے کہا کہ چین نے پاکستان کا بھرپور ساتھ دیا، اب امن کا وقت ہے، ملک کی معاشی ترقی کو آگے بڑھائیں گے، عسکری میدان میں دشمن کو مات دی، معاشی میدان میں بھی دیں گے۔
بھارت پاکستان کا پانی روکنے کی ہمت نہیں کر سکتا، ڈی جی آئی ایس پی آر
