The news is by your side.

دو منٹ میں 2 گول، ایران کے ہاتھوں ویلز کو اپ سیٹ شکست

دوحا: فیفا ورلڈکپ میں ایران نے ایکسٹرا ٹائم میں دو گول داغ کر ویلز کو اپ سیٹ شکست دے دی۔

دوحا کے احمد بن علی اسٹیڈیم میں کھیلے گئے گروپ بی کے میچ میں ایران نے ویلز کو حیران کن شکست دیتے ہوئے فٹ ورلڈکپ میں پہلی فتح اپنے نام کرلی۔Imageدونوں ٹیموں کے درمیان مقررہ وقت میں میچ بغیر کسی گول کے برابر تھا، انجری ٹائم میں ایرانی کے کھلاڑی روزبھ چشمی نے گول داغ کر اپنی ٹیم کی فتح کی بنیاد ڈالی۔

یہ بھی پڑھیں: کیا رونالڈو سعودی کلب سے معاہدہ کرنے والے ہیں؟

ایک منٹ کے وقفے کے بعد ایرانی کھلاڑی رومن رضاعین نے شاندار پاس کی مدد سے ایک اور گول داغ کر اپنی ٹیم کی برتری کو دگنا کردیا۔

Image

ایران کی یہ برتری کھیل کے اختتام تک جاری رہی، ریفری کی جانب سے میچ ختم کرنے کا اعلان کرتے ہوئے ایرانی شائقین نے اسٹیڈیم میں کھڑے ہوکر اپنے کھلاڑیوں کی حوصلہ افزائی کی، اس دوران کھلاڑیوں نے بھی حوصلہ افزائی کرنے پر ان کا شکریہ ادا کیا۔

واضح رہے کہ فیفا ورلڈکپ میں ایران کی یہ پہلی فتح ہے اس سے قبل انگلینڈ نے ایران کو 2-6 سے آؤٹ کلاس کیا تھا۔

Comments

یہ بھی پڑھیں