The news is by your side.

Advertisement

سندھ میں کرونا وائرس، مزید 2 مریض جاں بحق

کراچی: سندھ میں کرونا وائرس انفیکشن کی وجہ سے گزشتہ چوبیس گھنٹوں کے دوران مزید 2 مریض جاں بحق ہو گئے، جب کہ 13 نئے کو وِڈ کیسز سامنے آئے۔

وزیر اعلیٰ سندھ مراد علی شاہ نے صوبے میں کرونا وائرس کی صورت حال پر اپنے بیان میں کہا کہ گزشتہ 24 گھنٹوں میں 9 ہزار 384 نمونے ٹیسٹ کیے گئے، جن میں سے 13 مثبت آ گئے ہیں۔

بیان کے مطابق اب تک سندھ میں 10 لاکھ 55 ہزار 50 نمونے ٹیسٹ ہو چکے ہیں، جب کہ صوبے میں اب تک 1 لاکھ 30 ہزار 807 کو وِڈ کیسز رپورٹ ہو چکے ہیں، کرونا وائرس سے انتقال کرنے والے مریضوں کی تعداد 2425 ہو گئی ہے۔

ملک میں کرونا وائرس کے 394 نئے کیسز کی تصدیق

وزیر اعلیٰ سندھ نے کہا کہ گزشتہ 24 گھنٹوں کے دوران 55 مریض صحت یاب ہو چکے ہیں، اب تک 1 لاکھ 26 ہزار 268 مریض صحت یاب ہوئے ہیں، جب کہ اس وقت 2114 مریض زیر علاج ہیں۔

دوسری نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران ملک میں کرونا وائرس کے 394 نئے کیسز سامنے آئے جب کہ 3 مریض جاں بحق ہوئے، جس کے بعد ملک میں کرونا وائرس سے اموات کی تعداد 6 ہزار 345 ہو گئی ہے۔

نیشنل کمانڈ سینٹر کے مطابق ملک میں مجموعی کرونا کیسز کی تعداد 2 لاکھ 98 ہزار 903 ہو چکی ہے۔

Comments

یہ بھی پڑھیں