The news is by your side.

Advertisement

سندھ میں کرونا وائرس کے مزید 2نئے کیس رپورٹ، مریضوں کی تعداد18ہوگئی

کراچی : سندھ میں کروناوائرس کے مزید 2 نئے کیس سامنے آگئے ، جس کے بعد سندھ بھر میں کرونا وائرس کے کیسز کی تعداد15 جبکہ پاکستان میں وائرس سے متاثرہ مریضوں کی تعداد18  تک جا پہنچی۔

تفصیلات کے مطابق پاکستان میں کرونا کے کیسز کی تعداد میں اضافہ ہوتا جارہا ہے ، محکمہ صحت سندھ کا کہنا ہے کہ سندھ میں کروناوائرس کے مزید 2 نئے کیس رپورٹ ہوئے ، ایک کیس حیدرآباد میں رپورٹ ہوا جبکہ دوسرے نئے کیس کا تعلق کراچی سے ہے۔

محکمہ صحت سندھ نے بتایا حیدرآباد میں متاثرہ شخص شام اور دوحہ کاسفرکر چکا ہے، کراچی میں متاثرہ مریض نےدبئی کا سفر کیا تھا، دونوں مریضوں کے رابطےمیں آنیوالوں کی معلومات لے رہے ہیں۔

محکمہ صحت سندھ کے مطابق دو نئے کیس رپورٹ ہونے کے بعد سندھ بھر میں کورونا وائرس کے کیسز کی تعداد15ہو گئی جبکہ پاکستان میں کرونا وائرس سے متاثرہ مریضوں کی تعداد اٹھارہ تک جا پہنچی ہے۔

معاون خصوصی صحت ڈاکٹرظفرمرزا نے ٹوئٹ میں بتایا ہے کہ متاثرہ افراد کرونا میں مبتلا مریضوں سے رابطے میں تھے، مزید لوگوں کے ٹیسٹ کیے جارہے ہیں۔

خیال رہے وزیراعلیٰ سندھ مراد علی شاہ کے بہنوئی بھی شکار ہوگئے ہیں ، وہ دو روز پہلے ایران سے آئےتھے۔

مزید پڑھیں : وزیراعلیٰ سندھ مراد علی شاہ کے بہنوئی میں کروناوائرس کی تصدیق

یاد رہے گزشتہ روز بھی کراچی میں کرونا کے 8 نئے کیسز سامنے آئے تھے ، جن میں 5 مریضوں نے شام براستہ دوحہ سفر کیا اور 3 مریضوں نے لندن براستہ دبئی سفر کیا تھا۔

وزیر اطلاعات سندھ ناصر حسین شاہ کا کہنا تھا کہ کرونا سے متعلق روزانہ کی بنیاد پر اجلاس ہوتا ہے، بیرون ملک سے آنے والوں کا ڈیٹا اکٹھا کیا ہے، آج رپورٹ ہونے والے افراد ایران سے نہیں آئے، متاثرہ افراد لندن اور دبئی سے آئے ہیں۔

دوسری جانب کرونا پر محکمہ ریلیف و آباد کاری خیبرپختونخوا نے بھی گائیڈ لائنز جاری کردی ہے اور ملک میں اندرون اوربیرونی آمدورفت کےلئے چیک پوائنٹس کاطریقہ وضع کردیا۔

پنجاب میں بھی کوروناسے بچاؤ کے لئے اقدامات کئے گئے اور وزیراعلیٰ پنجاب کےمطابق ضروری سامان اور آلات کےلیےلئے دو ارب تین کروڑ اسی لاکھ روپے مختص کردیے ہیں۔

fb-share-icon0
Tweet 20

Comments

comments

یہ بھی پڑھیں