کراچی : ایرانی فضائی حدود میں قومی ائیرلائن کے 2 طیارے فضا میں ٹکرانے سے بچ گئے، ایرانی ائیر ٹریفک کنٹرولر کی غلطی سے دونوں طیارے آمنے سامنے آئے۔
تفصیلات کے مطابق ایرانی ائیر ٹریفک کنٹرولر کی مبینہ غفلت سے قومی ائیرلائن کے 2 طیارے آمنے سامنے آگئے تاہم حادثے سے بچ گئے۔
پی آئی اے کا بوئینگ 777 طیارہ 35 ہزار فٹ بلندی اور دوسرا ائیر بس 320 طیارہ 36 ہزار فٹ بلندی پر تھا۔
پی آئی اے حکام نے واقعے کی تحقیقات کے لیے ایران سول ایوایشن کو خط لکھ دیا ہے ، واقع اتوار کی شام 5 بجکر 54 منٹ پر ایرانی ہوائی حدود ائیر سپیس میں پیش آیا۔
ذرائع نے بتایا ک ایرانی ائیر ٹریفک کنٹرولر کی غلط اطلاع پر اسلام آباد سے دبئی اور دوحہ سے پشاور آنے والے طیارے آمنے سامنے آگئے۔
اسلام سے دبئی جانے والی پرواز پی کے211 کو بوئنگ777 ساختہ طیارے کے زریعے آپریٹ کیا جا رہا تھا۔
طیارے میں نصب تصادم میں بچاو کے خود کار سسٹم کی جانب سے ہائلٹ کو الرٹ وارنگ جاری ہوئی، سسٹم نے ایک طیارے کو اوپر فضا میں جانے اور دوسرے طیارے کو بلندی میں کمی کی ہدایت کیں۔
ترجمان پی آئی اے نے واقعے کی تصدیق کرتے ہوئے کہا کہ ہم نے ایران سول ایوایشن کو لکھا ہے کہ وہ اس معاملے کی جانچ کریں۔
