The news is by your side.

Advertisement

کورونا وائرس کو تارکین وطن سے جوڑنے والے 2 نوجوان گرفتار

شیفیلڈ: برطانیہ میں کرونا وائرس کو تارکین وطن سے جوڑنے والے 2 نوجوان کو گرفتار کر لیا گیا۔

تفصیلات کے مطابق گرفتار نوجوانوں نے نفرت آمیز پوسٹرز شیفیلڈ میں مختلف مقامات پر چسپاں کیے جس پر بارڈ کھولو اور وائرس لاؤ، پبش بند اور بارڈر کھلے ہیں کہ جملے درج تھے۔

پوسٹرز پر نسل پرست تنظیم ہنڈرڈ ہینڈرز گروپ کا لوگو بھی استعمال کیا گیا، مذکورہ تنظیم کے پوسٹرز اس سے قبل یارک، لیڈز سمیت ملک کے کئی شہروں میں چسپاں کیے جا چکے ہیں۔

پولیس نے 20 اور 22 سالہ دو نوجوانوں کو واقعہ میں ملوث ہونے کے شبے میں گرفتار کر لیا ہے اس حوالے سے ساؤتھ یارکشائر پولیس نے گرفتاری کی تصدیق کر دی ہے۔

پولیس کا کہنا ہے کہ نوجوانوں سے تفتیش جاری ہے جب کہ پولیس نے نشاندہی پر پوسٹرز اتار دیے ہیں۔

مقامی کونسلرز اور کمیونٹی نے معاملے کی شدید الفاظ میں مذمت کی ہے، کونسلر آلیکس گئین کا کہنا ہے کہ جب تمام کمیونٹیز یکجا ہو کر وائرس کا مقابلہ کر رہی ہیں تو ایسے وقت میں یہ حرکت قابل مذمت ہے۔

مقامی کونسلر نے کہا کہ ایسے واقعات معاشرے میں نفرت اور تقسیم کا باعث بنتے ہیں۔

Comments

یہ بھی پڑھیں