تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ایشیا کپ : آج بھارت اور ہانگ کانگ کی ٹیمیں پنجہ آزمائی کریں گی

دبئی : یو اے ای میں ہونے والے ایشیا کپ میں آج بھارت کا مقابلہ ہانگ کانگ کی ٹیم سے ہوگا، ٹاس شام سات بجے ہوگا، پاکستانی ٹیم کے شاہین بھی مقابلے کیلئے تیار بیٹھے ہیں۔

تفصیلات کے مطابق متحدہ عرب امارات میں ایشین چیمپئن بننے کیلئے 6 ٹیموں کے درمیان جنگ جاری ہے، شائقین کرکٹ کے بہترین لمحات سے لطف اندوز ہورہے ہیں۔

ایشین کرکٹ پرحکمرانی کی جنگ جاری ہے، چوتھے مقابلے میں آج بھارت اور ہانگ کانگ کی ٹیمیں ٹکرائیں گی، ایک طرف مین ان بلو کا مضبوط کامبی نیشن ہے تو دوسری جانب کوالیفائنگ ٹیم نے حریف کو زیر کرنے کی تیاریان کرلیں۔

مقابلہ کیلئے میدان شام 7بجے دبئی اسٹیڈیم میں سجے گا، بھارت بھی فتح کےساتھ سپر4 میں جگہ بنانے کو تیار ہے، ٹورنامنٹ میں بھارت اپنے افتتاحی میچ میں کامیاب رہا۔

ایشیائی ایونٹ میں بھارتی ٹیم اور ہانگ کانگ دو بار 2008 اور2018 میں ون ڈے فارمیٹ میں مدمقابل آئیں, دونوں مرتبہ بھارعت نے بازی مار کر اپنی برتری کو برقرار رکھا۔

آج کے میچ میں بھارت جیتا تو ہانگ کانگ کے خلاف جیت کی ہیٹ ٹرک کرلے گا اور ہانگ کانگ کو شکست ہوئی تو پاکستان اور ہانگ کانگ کا میچ سپرفور تک رسائی کیلئے ڈو اور ڈائی ہوگا۔

میچ کا بقیہ شیڈول 

ایشیا کپ کے بقایا شیڈول میں گروپ بی میں شامل سری لنکا اور بنگلہ دیش یکم ستمبر کو شام سات بجے دبئی میں مدِ مقابل ہوں گے۔

گروپ اے میں شامل پاکستان اور ہانگ کانگ 2 ستمبر کو شام سات بجے شارجہ میں میچ کھیلیں گے۔

ایشا کپ کے سپرفور مرحلے کا آغاز 3ستمبر سے ہوگا جس کا پہلا مقابلہ شارجہ میں شام 7 بجے بی ون اور بی ٹو کے درمیان ہوگا۔

اسی طرح 4 ستمبر کو سپرفور مرحلے کا دوسرا مقابلہ دبئی میں شام سات بجے اے ون اور اے ٹو کے درمیان ہوگا۔

سپرفور کا اگلا مقابلہ6ستمبر کو اے ون اور بی ون کے درمیان شام 7 بجے دبئی میں ہوگا۔

سپرفور مرحلے کا اگلا میچ 7ستمبرکو اے ٹو اور بی ٹو کے درمیان شام سات بجے دبئی میں ہوگا۔

سپرفور کا چوتھا مقابلہ 8ستمبر کو اے ون اور بی ٹو کے درمیان شام 7 بجے دبئی میں ہوگا۔

سپرفور کا اگلا میچ9ستمبر کو بی ون اور اے ٹو کے درمیان شام 7 بجے دبئی میں ہوگا۔

سپر فور میں پہلے اور دوسرے نمبر پر آنے والی ٹیموں کے درمیان 11ستمبر کو شام 7 بجے دبئی میں فائنل ٹاکرا ہوگا۔

Comments

- Advertisement -