پشاور: محکمہ اینٹی کرپشن خیبر پختون خوا نے سال 2022 میں 141 ملازمین کو گرفتار کیا۔
تفصیلات کے مطابق اینٹی کرپشن خیبر پختون خوا کی سال 2022 کی رپورٹ سامنے آئی ہے، جس میں کہا گیا ہے کہ کرپشن میں ملوث سرکاری محکموں کے افسران اور اہل کاروں سمیت 141 ملازمین گرفتار کے گئے۔
رپورٹ کے مطابق کرپشن کے الزامات میں گرفتار افراد سے 6 کروڑ روپے ریکور کیے گئے۔
- Advertisement -
رواں برس صوبے سے سرکاری محکموں میں کرپشن کی 1561 شکایات موصول ہوئیں، جن میں سے 16 کیسز میں اینٹی کرپشن نے ایف آئی آرز درج کرائیں۔
رپورٹ کے مطابق کیسز میں اینٹی کرپشن کی جانب سے سرکاری محکموں کے سینکڑوں افسروں اور اہل کاروں کو نامزد کیا گیا۔
