The news is by your side.

Advertisement

قومی اسمبلی کا اجلاس 21 مارچ کو طلب کرنے کا فیصلہ

اسلام آباد: قومی اسمبلی کا اجلاس 21 مارچ کو طلب کرنے کا فیصلہ کیا گیا ہے۔

ذرائع کے مطابق حکومت نے اکیس مارچ کو قومی اسمبلی کا اجلاس طلب کرنے کا فیصلہ کیا ہے، تاہم 21 مارچ کو صرف مرحوم رکن اسمبلی کے لیے فاتحہ خوانی ہوگی۔

ذرائع کا کہنا ہے کہ قومی اسمبلی کا اجلاس فاتحہ خوانی کے بعد 25 مارچ تک ملتوی کیا جائے گا، ذرائع نے یہ بھی بتایا کہ پارلیمنٹ ہاؤس کی تزئین و آرائش مکمل کر لی گئی ہے، اور صفائی کا کام جاری ہے۔

ذرائع کا کہنا ہے کہ 25 مارچ کے بعد تحریک عدم اعتماد پر کارروائی کا آغاز ہوگا، اور ایک ہفتے کے اندر یہ پراسس مکمل کیا جائے گا۔

وزیراعظم کے دعوے کی تصدیق، سندھ ہاؤس میں چھپے ارکان اسمبلی سامنے آگئے

ادھر ذرائع قومی اسمبلی سیکرٹریٹ نے کہا ہے کہ ووٹ ڈالنے سے قبل کسی رکن کے خلاف کارروائی ممکن نہیں، پارٹی پالیسی کے برعکس ووٹ ڈالنے والا انحراف کی شق کی زد میں آئے گا، عدم اعتماد یا آئینی ترمیم پر پالیسی کے خلاف ووٹ دینے والا ڈی سیٹ ہوگا۔

ذرائع کے مطابق ووٹ دینے کے بعد پارٹی لیڈر اسپیکر کو کارروائی کے لیے لکھیں گے، اسپیکر 3 دن کے اندر الیکشن کمیشن کو ریفرنس بھیجے گا، اور الیکشن کمیشن 30 دن کے اندر فیصلہ سنائے گا، تاہم ووٹ ڈالنے سے قبل کسی رکن کو ڈی سیٹ نہیں کیا جا سکتا۔

Comments

یہ بھی پڑھیں