کراچی : صوبائی وزیر بورڈ اینڈ جامعات محمد اسماعیل راہو کا کہنا ہے کہ انٹر کے امتحانات کے دوران سکھر،حیدرآباد،لاڑکانہ ، میرپورخاص میں215 طلبانقل کرتے پکڑے گئے۔
تفصیلات کے مطابق صوبائی وزیر بورڈ اینڈ جامعات محمد اسماعیل راہو نے اپنے بیان میں کہا ہے کہ سکھر،حیدرآباد،لاڑکانہ ، میرپورخاص میں215 طلبا نقل کرتےپکڑےگئے ، جن میں اصل امیدواروں کی جگہ امتحا ن دینے والے 46 نوجوانوں شامل ہیں جبکہ 17طلباامتحانی کاپی ردوبدل کرنےپر پکڑے گئے۔
،صوبائی وزیر بورڈ اینڈ جامعات کا کہنا تھا کہ ڈیوٹی سےغفلت برتنےپر8 انویجیلیٹرزکومعطل کردیاگیا ہے اور امتحانی مراکزکی انتظامیہ کوطلبا سے موبائل فون رکھنے کی فیس نہ لینے کی ہدایت کی ہے۔
خیال رہے اندرون سندھ میں گیارہویں جماعت کے امتحانات کا سلسلہ جاری ہے ،انتظامیہ امتحانی مراکز پر نقل روکنے میں ناکام رہے اور طلبا و طالبات موبائل فون کے ذریعے کھلے عام نقل کرنے میں مصروف نظر آئے۔
گذشتہ روز گورنمنٹ گرلز کالج سامارو امتحانی مرکز میں ویجلینس ٹیم نے کارروائی کی تھی ، جس میں 6 طالبات نقل کرتے ہوئے پکڑی گئیں جس کے بعد انہیں پرچہ دینے سے روک دیا گیا تھا۔
دورے کے موقع پر امتحانی مرکز ہائی اسکول 2 میں 8 طلبا نقل کرتے پکڑے گئے تھے ، جب کہ انتظامیہ نے کسی اور کی جگہ پرچہ دینے والے نوجوان کو امتحانی مرکز سے نکال دیا تھا۔
