کوئٹہ : واشک میں مسافر کوچ کھائی میں گرنے سے 27 افراد جاں بحق ہوگئے جبکہ متعدد افراد زخمی ہوئے۔
تفصیلات کے مطابق بلوچستان کے ضلع واشک میں افسوسناک حادثہ پیش آیا ، جہاں مسافرکوچ کھائی میں جاگری، جس کے نتیجے میں 27 افراد جاں بحق ہوگئے جبکہ متعدد افراد زخمی ہوئے۔
اسسٹنٹ کمشنر نے بتایا کہ حادثہ تیزرفتاری کے باعث پیش آیا، کوچ تربت سےکوئٹہ جارہی تھی ، زخمیوں کو اسپتال منتقل کردیا گیا ہے۔
- Advertisement -
حکام کا کہنا ہے کہ اسپتال میں22زخمی لائےگئے ہیں، جن میں 5کی حالت تشویشناک ہے۔
گذشتہ ہفتے ایبٹ آباد میں مسافر جیپ ڈرائیورسے بے قابو ہو کر گہری کھائی میں جا گری تھی، جس کے نتیجے میں پانچ افراد جاں بحق اور پانچ زخمی ہوئے تھے۔
جیپ سوار کلیاں بازارسےخریداری کرکے گھرواپس آرہے تھے کہ جیپ کھائی میں گرگئی، جاں بحق ہونے والوں کا تعلق ایک ہی خاندان سے تھا۔
