آرکنساس: امریکی ریاست آرکنساس کے نائٹ کلب میں فائرنگ کے نتیجے میں 28 افراد زخمی ہوگئے۔
تفصیلات کےمطابق پولیس کا کہناہےکہ فائرنگ کا یہ واقعہ مقامی وقت رات ڈھائی بجے ایک کنسرٹ کے دوران پیش آیا تاہم ابھی تک فائرنگ کرنے والے کے بارے میں اطلاع نہیں ہے۔
پولیس کے مطابق نائٹ کلب کے پاور الٹرا لاؤنج میں فائرنگ کلب میں موجود افراد کے درمیان تنازع کا نتیجہ تھی،اور یہ واقعہ دہشت گردی کا نہیں تھا۔
لٹل راک پولیس کے سربراہ کینتن بکنَر نے صحافیوں کو بتایا کہ کلب میں موجود چند افراد کے درمیان کسی بات پر تنازع پیدا ہوا،جبکہ فائرنگ کرنے والے ایک سے زائد افراد ہوسکتے ہیں۔
دوسری جانب کلب کے مالک ڈیول رینکِن نےکہاکہ وہ فیس بک پر لائیو جانے کے لیے شو کی ریکارڈنگ کر رہے تھے کہ اسی دوران اچانک فائرنگ شروع ہوئی،جس میں ان کے ایک دوست کو بھی گولی لگی۔
امریکی شہراورلینڈو کےنائٹ کلب میں فائرنگ، 49 افراد ہلاک
یاد رہےکہ گزشتہ سال جولائی میں امریکی ریاست فلوریڈا کے شہر اورلینڈو کے نائٹ کلب میں فائرنگ سے 49 افراد ہلاک اور 53 سے زخمی ہوگئےتھے۔
اوہایو کے نائٹ کلب میں فائرنگ، ایک شخص ہلاک اور 14 افراد زخمی
واضح رہےکہ رواں سال مارچ میں امریکی ریاست اوہایو کے ایک نائٹ کلب میں فائرنگ کے واقعے میں ایک شخص ہلاک اور 14 افراد زخمی ہوگئےتھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
