The news is by your side.

Advertisement

سانپوں نے شہری کے گھر پر قبضہ جما لیا، ریسکیو ٹیم طلب

کوٹ رادھا کشن: پنجاب کے ضلع قصور کی تحصیل کوٹ رادھا کشن میں ایک شہری کے گھر پر سانپوں نے قبضہ جما لیا۔

تفصیلات کے مطابق کوٹ رادھا کشن میں تحصیل بار کورٹس کے قریب شہری کے گھر سے 28 سانپ برآمد ہو گئے، سانپ گھر کے واش روم اور ملحقہ سیوریج لائن سے ملے۔

ریسکیو ذرایع کا کہنا تھا کہ تحصیل بار کورٹس کے نزدیک چک 54 میں ساجد فضل نامی شخص کے گھر سے سانپ برآمد ہوئے، شہری کا گھر نہر کے کنارے واقع ہے، سانپ ایک سے لے کر ساڑھے 4 فٹ تک لمبے تھے۔

ریسکیو 1122 کی ٹیم نے اطلاع ملنے کے بعد مذکورہ گھر سے اٹھائیس سانپوں کو پکڑا، سانپ واش روم میں بل بنا کر رہ رہے تھے، یہ خیال کیا جا رہا ہے کہ سانپ سیوریج لائن سے گھر کے واش روم تک آئے ہوں گے، تاہم گھر کے قریب نہر بھی بہتی ہے۔ سانپوں کی وجہ سے گھر کے مکینوں ا ور اردگرد کے لوگوں میں خوف و ہراس پھیلا ہوا تھا، ریسکیو ٹیم نے کئی گھنٹے کے آپریشن کے بعد سانپ پکڑے اور اپنے ساتھ لے گئے۔

پاکستان میں سانپ کے زہر کوختم کرنے کی ویکیسن کا کامیاب تجربہ

خیال رہے کہ تین ماہ قبل ڈاؤ یونی ورسٹی آف ہیلتھ سائنسز کے پروفیسرز اور ماہرین نے سانپ کے زہر کو ختم کرنے کی ویکسین تیار کر کے ایک کارنامہ انجام دیا تھا، ویکسین کا کام یاب تجربہ بھی کیا گیا تھا۔

پاکستان میں سالانہ 40 ہزار سے زائد افراد سانپ کے کاٹے کا شکار ہوتے ہیں اور سانپ کا ڈسنا 10 ہزار سے زائد افراد کی اموات کی وجہ بنتا ہے، جب کہ سانپ کے کاٹے کے علاج کے لیے پاکستان سالانہ 50 ہزار اے ایس وی وائلز درآمد کرتا ہے۔

fb-share-icon0
Tweet 20

Comments

comments

یہ بھی پڑھیں