اسلام آباد: حکومت کی حکمت عملی کامیابی سے ہمکنار ہوئی اور ایوان بالا سے اسٹیٹ بینک ترمیمی بل پاس ہوگیا، وفاقی وزرا نے کریڈٹ وزیراعظم عمران خان کو دے دیا۔
اے آر وائی نیوز کے مطابق وزیراعظم کے معاون خصوصی برائے سیاسی ابلاغ شہبازگل نے سینیٹ سے اسٹیٹ بینک ترمیمی بل پاس ہونے پر لکھا کہ اپوزیشن کو 31ویں شکست ہوئی ہے، اپوزیشن ہربار صرف دعوے ہی کرتی ہے جبکہ عمران خان ایسالیڈرہےجوپاکستان کےلیےفیصلےکرتاہے۔
اپوزیشن کو ایک اور شکست۔ سینیٹ میں بل منظور۔ یہ شکست نواز شریف کو اور مضبوط کر دے گی۔ شرم نا ہو تو موجاں ہی موجاں۔
— Dr. Shahbaz GiLL (@SHABAZGIL) January 28, 2022
شہباز گل نے کہا کہ یہ شکست نواز شریف کو اور مضبوط کر دے گی ساتھ ہی انہوں نے طنزیہ جملہ لکھا کہ ” شرم نہ ہو تو موجاں ہی موجاں”۔
وفاقی وزیر اطلاعات فواد چوہدری نے بھی ٹوئٹر پیغام میں کہا کہ الحمدللہ ایک اور دن ایک اور کامیابی، عدم اعتمادکا خواب دیکھنے والےایوان میں بھی ناکام، حکومت نے ثابت کیا ہے کہ تمام جماعتیں ملکربھی ایک عمران خان کے آگے ڈھیر ہیں، اللہ کی مدد شامل حال رہی تو انشاللہ کامیابیوں کا سفر رکنے والا نہیں۔
الحمدللّٰہ ایک اور دن ایک اور کامیابی، عدم اعتماد کا خواب دیکھنے والے اس ایوان میں بھی ناکام جہاں ان کی نام نہاد اکثریت ہے، حکومت نے ثابت کیا ہے کہ تمام جماعتیں مل کر بھی ایک عمران خان کے آگے ڈھیر ہیں، اللہ کی مدد شامل حال رہی تو انشاللہ کامیابیوں کا سفر رکنے والا نہیں
— Ch Fawad Hussain (@fawadchaudhry) January 28, 2022
سینیٹر فیصل جاوید نے بھی ٹوئٹر پر جاری پیغام میں کہا کہ آج ایک بار پھر اپوزیشن کو شکست کا سامنا کرنا پڑا ہے، سینیٹ نے اسٹیٹ بینک ترمیمی بل منظور کرلیا ہے۔
فیصل جاوید نے لکھا کہ ہرمحاذپر شکست انکا مقدرہے، یہ قانون سازی میں حکومت کو بلیک میل کرنےکی کوشش کرتےہیں،ان کی وزیراعظم سےاین آر او لینےکی کوششیں ناکام ہوئیں۔
Congratulations as @SenatePakistan has passed the bill further on amend the #StateBank of #Pakistan Act, 1956.
44 vs 43
This will strengthen functioning of the institution, also give freedom and do away with any political interference which was the case in past.— Faisal Javed Khan (@FaisalJavedKhan) January 28, 2022
واضح رہے کہ سینیٹ میں اسٹیٹ بینک ترمیمی بل سینیٹ میں منظور کرلیا گیا ہے، ترمیمی بل کے حق میں 44 اور مخالفت میں 43ووٹ آئے، چیئرمین سینیٹ کے ووٹ نے انتہائی اہم کردار ادا کیا۔
