The news is by your side.

Advertisement

کوئٹہ: خروٹ آباد میں دستی بم پھٹنے سے 3 بچے جاں بحق

کوئٹہ: بلوچستان کے علاقے خروٹ آباد میں دستی بم پھٹنے سے 3 بچے جاں بحق ہو گئے۔

تفصیلات کے مطابق ریسکیو ذرائع نے کہا ہے کہ کوئٹہ کے علاقے خروٹ آباد میں بچوں نے کھیل کے دوران دستی بم اٹھا لیا تھا، جو کھیلتے ہوئے پھٹ گیا، افسوس ناک واقعے میں تین بچے جاں بحق ہو گئے۔

ریسکیو ذرائع نے بتایا کہ جاں بحق بچوں کی لاشیں بی ایم سی اسپتال منتقل کر دی گئیں۔

پولیس حکام کا کہنا ہے کہ بچوں نے کھلونا سمجھتے ہوئے دستی بم اٹھا لیا تھا، تاہم بم کہاں سے آیا، اس سلسلے میں مزید تفتیش جاری ہے، جائے وقوعہ سے شواہد اکھٹے کرنے کے لیے ٹیمیں بھی روانہ کر دی گئی ہیں۔

Comments

یہ بھی پڑھیں