اسلام آباد : حکومت میں شامل تین بڑی سیاسی جماعتوں نے خیبرپختونخوا اور پنجاب میں انتخابات سے متعلق از خود نوٹس کیس میں فل کورٹ تشکیل دینے کی استدعا کردی۔
تفصیلات کےمطابق خیبرپختونخوا اور پنجاب میں انتخابات سے متعلق از خود نوٹس کیس میں حکومت میں شامل تین بڑی سیاسی جماعتوں نے فل کورٹ تشکیل دینے کی استدعا کردی۔
مسلم لیگ ن ، پیپلزپارٹی اور جے یوآئی نے استدعا کی اور سپریم کورٹ میں نئی درخواست دائر کردی۔
درخواست میں بینچ میں شامل دو ججز پراعتراض کرتے ہوئے کہا گیا ہے کہ فل کورٹ تشکیل دیتے ہوئے جسٹس اعجازالاحسن اور جسٹس مظاہرعلی کو شامل نہ کیا جائے۔
درخواست میں کہا گیا کہ دونوں ججز پہلے ہی پنجاب اور کے پی انتخابات پر اپنی رائے کا اظہار کرچکے ہیں۔
Comments
- Advertisement -
