ایران کے صوبہ ہوزستان میں 4.9 کی شدت سے زلزلے کے جھٹکے محسوس کئے گئے ہیں، جس کے بعد خوف کی فضا پیدا ہوگئی۔
تہران یونیورسٹی سسمولوجی سینٹر کے مطابق زلزلے کا مرکز ہوزستان کا شہر مشراگہ اور زیرِ زمین گہرائی 16 کلومیٹر تھی، 12 بج کر 15 منٹ پر آیا، زلزلے کی شدت 4.9 ریکارڈ کی گئی۔
بین الاقوامی میڈیا کے مطابق زلزلے میں کسی جانی یا مالی نقصان کے بارے میں تاحال کوئی معلومات فراہم نہیں کی گئیں۔
واضح رہے کہ اس سے قبل تائیوان میں آنے والے 7.4 شدت کے زلزلہ نے تائیوان کو ہلا کر رکھ دیا تھا، زلزلے سے متعددعمارتیں گرگئیں اور سونامی الرٹ جاری کردیا گیا تھا۔
تائیوان زلزلہ: دل دہلا دینے والے مناظر کی تصاویر و ویڈیو سامنے آگئی
امریکی جیولوجیکل سروے کے مطابق زلزلہ مقامی وقت کے مطابق صبح 7:58 بجے ہوالین شہر سے 18 کلومیٹر (11 میل) جنوب میں اور 34.8 کلومیٹر (21 میل) کی گہرائی میں آیا، اس کے بعد جزیرے بھر میں کئی آفٹر شاکس آئے، جن کی شدت 5 ریکارڈ کی گئی۔
