ریاض: سعودی عرب اور بحرین کو جوڑنے والے کنگ فہد پل پر 4 کیٹگریز کے لیے دائیں جانب کے ٹریک مختص کیے گئے ہیں۔
سعودی ویب سائٹ کے مطابق بحرین اور سعودی عرب کو سمندری راستے سے جوڑنے والے کنگ فہد پل کی انتظامیہ نے سعودی امیگریشن کاؤنٹر پہنچنے سے قبل 4 زمروں کے لیے دائیں جانب کے ٹریک مختص کیے ہیں۔
کنگ فہد پل انتظامیہ نے منگل کو بیان میں کہا کہ جن چار زمروں کے لیے دائیں جانب کے ٹریک مختص کیے گئے ہیں ان کا تعلق بسوں، ویزوں کے اجرا، فنگر پرنٹس اور پہلی مرتبہ مملکت آنے والے خلیجی ممالک کے شہریوں سے ہے۔
پل انتظامیہ کا کہنا ہے کہ چاروں زمروں کے لیے دائیں جانب کے ٹریک ٹریفک کو رواں رکھنے کے لیے مختص کیے گئے ہیں۔
Comments
- Advertisement -
