سرائےعالمگیر: 4 سالہ بچی زہرہ کا قاتل بھی ایک قریبی شخص نکلا، ننھی بچی کو درندگی کا نشانہ بنانے کے بعد پڑوسی نے قتل کیا۔
سرائےعالمگیر میں قتل ہونے والی 4 سالہ ننھی زہرہ کا قاتل پڑوسی نکلا، پولیس نے بتایا کہ بچی زہرہ کے قتل میں ملوث ملزم محمد ندیم کو گرفتار کرلیا گیا ہے، قتل کیس میں 5 افراد سے تفتیش کی گئی جبکہ 3 کے ڈی این اے ٹیسٹ کرائے گئے۔
گزشتہ دنوں سرائے عالمگیر میں قتل کی گئی 4 سالہ ننھی زہرہ کی پوسٹ مارٹم رپورٹ سامنے آئی تھی جس میں بچی سے زیادتی تصدیق ہوئی تھی۔
گجرات میں قتل کی گئی ننھی زہرا سے زیادتی کی تصدیق
ضلع گجرات کی تحصیل سرائے عالمگیر کے گاؤں کھوہار میں ایک ہفتہ پہلے چار سال کی معصوم بچی کو زیادتی کا نشانہ بنانے کے بعد قتل کرنے کا واقعہ رونما ہوا تھا۔
بچی کی پوسٹ مارٹم رپورٹ میں زیادتی کی تصدیق ہوگئی ہے، پولیس نے بتایا تھا کہ بچی ٹیوشن پڑھنے جارہی تھی، ملزمان نے اغوا کے بعد زیادتی کی اور قتل کرکے لاش بوری میں بند کردی تھی۔
سرائے عالمگیر: بچیوں کو زیادتی کا نشانہ بنانے والا جعلی پیر گرفتار
