کراچی : غریب آباد فرنیچرمارکیٹ میں پراسرار آتشزدگی سے45 دکانیں جل کرراکھ ہو گئیں، دکانداروں کا کہنا ہے کہ فائربریگیڈ دیرسے پہنچی۔
تفصیلات کے مطابق کراچی کی غریب آباد فرنیچر مارکیٹ میں رات گئے آگ بھڑک اٹھی، دیکھتے ہی دیکھتے پینتالیس دکانوں میں رکھا فرنیچر راکھ کا ڈھیر بن گیا۔
کئی دکانداروں نے شٹر کاٹ کر اپنا سامان جلنے سے بچایا، اطلاع ملنے پر فائر بریگیڈ کی گاڑیاں پہنچیں ، آگ بجھانے میں چھ گاڑیوں نے حصہ لیا۔
فائربریگیڈ حکام نے بتایا کہ آگ بجھانے کے دوران دکانداروں نے بدتمیزی کی، جس کے باعث آگ بجھانےمیں دشواری کاسامنارہا۔
فائر برگیڈ حکام دکانوں کی تعداد سے بھی لاعلم نکلے تاہم کئی گھنٹے بعد فائر بریگیڈ کی چھ گاڑیوں نے آگ پر قابو پالیا گیا۔
متاثرہ دکانداروں نے دعوی کیا کہ مارکیٹ میں 70 دکانیں ہیں،آتشزدگی سے45 دکانیں متاثرہوئیں، فائر بریگیڈ کے آنے میں تاخیر اور پانی ختم ہونے کے باعث دکانوں کو نقصان پہنچا، فائر بریگیڈ وقت پر پہنچ جاتی تو بڑے نقصان سے بچا جاسکا تھا۔ جبکہ دکان کی چھت گرنے سے دو لڑکے بھی زخمی ہوئے ہیں۔
گورنرسندھ کامران ٹیسوری نے ایڈمنسٹریٹرکراچی ڈاکٹرسیف الرحمان سے رابطہ کرکے لیاقت آباد فرنیچرمارکیٹ میں آگ لگنے کے واقعے پر تشویش کا اظہار کیا۔
گورنرسندھ نے واقعے کی رپورٹ طلب کرتے ہوئے کہا کہ آگ کیسےلگی وجوہات بتائی جائیں۔
