کراچی : ترکیہ میں ریسکیو مشن مکمل کرکے فلاحی ادارے کی 47 رکنی ٹیم وطن واپس پہنچ گئی، ترک قونصل جنرل نے کہا ترکیہ زلزلہ میں خدمات پیش کرنے پرپاکستان کے مشکور ہیں۔
تفصیلات کے مطابق ترکیہ میں ریسکیو مشن مکمل کرکے سینتالیس رکنی الخدمت ریسکیو ٹیم پاکستان واپس پہنچ گئی۔
ترک قونصل جنرل امیراوزبے نے الخدمت ریسکیو ٹیم کا استقبال کیا، سینتالیس رکنی ریسکیو ٹیم نےتیرہ دن امدادی سرگرمیوں میں حصہ لیا۔
ترک قونصل جنرل امیراوزبے نے کہا کہ ترکیہ زلزلہ میں خدمات پیش کرنے پرپاکستان کے مشکور ہیں، پاکستان نے فوری رسپانس دے کر ترک عوام کے دل جیت لئے ہیں۔
امیراوزبے کا کہنا تھا کہ الخدمت فاؤنڈیشن کی ٹیم نےجدید آلات استعمال کرتے ہوئے ملبہ سے متعد افراد کوزندہ نکالا۔
سربراہ ترکیہ ڈیزاسٹر اینڈ ایمرجنسی مینجمنٹ اتھارٹی نے دو ہفتے بعد بیشتر صوبوں میں تلاش اور بچاؤ کی کارروائیاں ختم کرنے کا اعلان کیا تھا۔
ترکیہ اور شام میں زلزلے سے اموات کی تعداد 46 ہزار سے تجاوزکرگئیں، زلزلےکے تیرہ روز گزرنے کے بعد ملبےسے زندگی کےآثارکم ہونے لگے جبکہ کچھ علاقوں میں اب بھی آپریشن جاری ہے۔
