لندن: برطانوی ماہرین نے کروناوائرس کے خطرے سے بچنے کے لیے ان افراد کو خصوصی 5 ہدایات جاری کی ہیں جنہوں نے خود کو ’’سیلف آئیسولیشن‘‘ میں رکھا ہوا ہے۔
غیرملکی خبررساں ادارے کی رپورٹ کے مطابق دنیا بھر میں شعبہ صحت کے ماہرین اور محکمے شہریوں کو کروناوائرس سے بچنے کےلیے خصوصی ہدایات جاری کررہے ہیں جن میں ماسک پہننے سمیت باقاعدگی سے ہاتھ دھونا بھی شامل ہیں۔
جبکہ دنیا میں ایسے افراد بھی سامنے آئے ہیں جنہوں نے خود کو کروناوائرس سے بچانے کے لیے گھر میں بند کرلیا ہے اور ’’سیلف آئیسولیشن‘‘ کی زندگی گزار رہے ہیں۔ ایسے افراد کے لیے ماہرین نے 5 ضروری ہدایات جاری کی ہیں جن پر عمل کیا جائے تو ان کے لیے معاون ثابت ہوں گی۔
1) ہر افراد سے رابطہ منقطع
برطانوی ماہرین نے خصوصی ہدایات جاری کرتے ہوئے کہا ہے کہ سیلف آئیسولیشن والے شہری تمام افراد سے رابطہ منقطع کرلیں، چاہے وہ قریبی رشتے دار ہی کیوں نہ ہوں اور رہائش گاہ سے قدم باہر نہ نکالیں۔
2) ہوادار کھڑکی والے کمرے میں رہیں
دوسرے مشورے میں کہا گیا ہے کہ مذکورہ شہری گھر میں وہ اس کمرے کا انتخاب کریں جہاں کھڑکی سے قدرتی ہواؤں کی آمد ورفت جاری رہے جو صحت پر مثبت اثرات مرتب کرے گی۔
3) فوڈ یا پھر کیسی بھی اشیاء کی ڈیلیوری میں محتاط رہیں
جب کبھی باہر سے کھانا یا پھر دیگر اشیاء منگوائی جائے تو اسے براہ راست ڈیلیوری بوائے سے لینے کے بجائے اسے کہیں زمین پر رکھ دے اور جب وہ چلا جائے تو احتیاط سے اٹھالیں۔
4) واش روم کی صفائی
ماہرین نے ہدایت کی ہے کہ گھر میں کہیں بھی گندگی یا پھر گرد نہ رہنے دیں، فوری طور پر صفائی یقینی بنائیں اسی طرح واش روم کی روزانہ کی بنیاد پر صفائی لازمی ہے۔
5) پالتوں جانور نہ رکھیں
حالیہ دنوں ایسی خبریں بھی منظر عام پر آئی تھی جس میں انکشاف کیا گیا تھا کہ مہلک وائرس کا جنم کسی جانور سے ہوا جبکہ کئی ماہرین کا خیال ہے کہ ایسا ممکن ہے۔ لہذا سیلف آئیسولیشن والے افراد اپنے گھر پالتوں جانور نہ رکھیں۔
ماہرین کے مطابق اگر مذکورہ ہدایات پر عمل کیا جائے تو مہلک وائرس سے بچا جاسکتا ہے۔
