The news is by your side.

یواےای میں ٹریفک جرمانوں پر 50 فیصد رعایت

متحدہ عرب امارات میں ٹریفک جرمانوں پر 50 فیصد رعایت کا اعلان کر دیا گیا۔

اماراتی میڈیا کے مطابق ریاست عجمان کی پولیس نے یواےای بھر میں ٹریفک قوانین کی خلاف ورزیوں پر ہونے والے جرمانوں میں 50 فیصد تک رعایت دینے کا اعلان کیا ہے۔

عجمان پولیس کے کمانڈرانچیف میجر جنرل شیخ سلطان بن عبداللہ النعیمی کا کہنا ہے کہ جرمانوں میں رعایت کا آغاز 21 نومبر 2022 سے ہوگا اور یہ سہولت 6 جنوری 2023 تک جاری رہے گی۔

ان کا کہنا ہے کہ اس کمی کا اطلاق 11 نومبر سے پہلے کی جانے والی تمام ٹریفک خلاف ورزیوں پر ہوگا۔

پولیس نے سنگین خلاف ورزیوں پر کوئی رعایت نہ دینے کا فیصلہ کیا ہے۔

جس میں خطرناک ڈرائیونگ جس سے امن و مان کا خطرہ اور جانی نقصان کا اندیشہ ہو۔ ہیوی ٹریفک کا سگنل توڑنا اور اس مقام پر ٹرک کا اوورٹیک کرنا جہاں اوورٹیکنگ ممنوع ہے۔

Comments

یہ بھی پڑھیں