عراق سے 50 ہزار عمرہ زائرین گزشتہ 4 دنوں کے دوران عرعر سرحدی چوکی عبور کرکے سعودی عرب پہنچ گئے۔
غیر ملکی ذرائع ابلاغ کے مطابق عراق سے عمرہ زائرین کی آمد کا سلسلہ جاری ہے، جنہیں سرحدی چوکی پر تمام خدمات فراہم کی جارہی ہیں۔ مذکورہ سرحدی چوکی سے مملکت میں داخل ہونے والے عمرہ زائرین کم وبیش ایک ہزار بسوں میں سوار تھے۔
امکان ظاہر کیا جارہا ہے کہ آئندہ دنوں میں عراق سے مزید عمرا زائرین سعودی عرب پہنچیں گے، شمالی حدود ریجن کے گورنر شہمادہ فیصل بن خالد کی ہدایت پر عرعر سرحدی چوکی پر تمام سرکاری ادارے خدمات کی فراہمی میں مصروف عمل ہیں۔
- Advertisement -
مسجد نبویؐ کے قریب سیرت میوزیم میں شاہی مہمانوں کی آمد
عرعر سرحدی چوکی پر کسٹم کے 66 کاونٹر بیک وقت امور انجام دے رہے ہیں، گورنر نے عراق سے آنے والے عمرہ زائرین کو بہترین اور تیز رفتار خدمات فراہم کرنے کی بھی تاکید کی ہے۔
