The news is by your side.

Advertisement

ساحل پر نہانے والے بال بال بچے، ویڈیو دیکھیں

کارڈف: برطانیہ کے جنوب مغربی حصے میں واقع ملک ویلز میں تیراکوں کے ساتھ ساحل ایک خوفناک واقعہ پیش آیا، جس میں وہ خوش قسمتی سے محفوظ رہے۔

بین الاقوامی میڈیا رپورٹ کے مطابق ویلز سے تعلق رکھنے والے تیراک روسنیگر کے قریب انجلسی کے ساحل پر تفریح کی غرض سے پہنچے۔

سب اپنی اپنی مستی میں مگن تھے اور اس دوران ایک نوجوان ویڈیو بنا رہا تھا، جس نے سمندر میں زہریلے سانپ کو پانی کے اوپر تیرتے ہوئے دیکھا۔

حیران کن طور پر یہ سانپ نوجوانوں کو دیکھ کر بھاگا نہیں بلکہ وہ تیزی سے تیرتا ہوا اُن کے قریب آیا، جس پر سب فوراً پانی سے باہر نکل کر کھڑے ہوگئے۔

مزید پڑھیں : جھیل کنارے مچھلی کا شکار کرنے والے شخص کے ساتھ پیش آیا خوفناک واقعہ

بعد ازاں یہ سانپ ایک دم نظروں سے اوجھل ہوا تو نوجوانوں نے اسے تلاش کرنے کی ٹھان لی اور کافی دیر کی تگ و دو کے بعد ساحل پر موجود جنگلی پودوں کے درمیان اسے پایا۔

یہ ویڈیو جون میریون نامی شخص نے انٹرنیٹ پر شیئر کی، جو خود بھی ان تیراکوں میں شامل تھے اور اس منظر کو انہوں نے ہی اپنے موبائل میں قید کیا تھا۔

انٹرنیٹ پر جب یہ ویڈیو وائرل ہوئی تو صارفین نے ویڈیو بنانے والے شخص کو بے وقوف قرار دیتے ہوئے کہا کہ ’سانپ نقصان پہنچا سکتا تھا‘۔

Comments

یہ بھی پڑھیں