The news is by your side.

Advertisement

جنوبی وزیرستان میں بارودی سرنگ کا دھماکا، جوان شہید

راولپنڈی: جنوبی وزیرستان میں بارودی سرنگ کے دھماکے میں لانس نائیک وقاص احمد شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق جنوبی وزیرستان کے علاقے کنی گرام میں چیک پوسٹ کے قریب بارودی سرنگ کا دھماکا ہوا جس کے نتیجے میں 26 سالہ لانس نائیک وقاص احمد شہید ہوگئے۔

ترجمان پاک فوج کا کہنا ہے کہ دھماکے کے بعد علاقے میں دہشت گردوں کی تلاش کے لیے سرچ آپریشن جاری ہے۔

آئی ایس پی آر کا کہنا ہے کہ پاک فوج دہشت گردی کی لعنت کے خاتمے کے لیے پرعزم ہے، بہادر جوانوں کی قربانیوں سے ہمارا عزم مزید مضبوط ہورہا ہے۔

مزید پڑھیں: کوئٹہ اور تربت میں دہشت گردوں کا حملہ، 4 جوان شہید، 5 دہشت گرد ہلاک

واضح رہے کہ دو روز قبل کوئٹہ اور تربت میں دہشت گردوں نے ایف سی جوانوں پر حملہ کیا تھا جس کے نتیجے میں 4 جوان شہید ہوگئے تھے، جوابی کارروائی میں 5 دہشت گرد مارے گئے تھے۔

آئی ایس پی آر کا کہنا تھا کہ پیر اسماعیل زیارت میں ایف سی پوسٹ پر دہشت گردوں نے حملہ کیا، فائرنگ کے تبادلے میں 5 دہشت گرد ہلاک اور 8 زخمی ہوگئے۔

آئی ایس پی آر کے مطابق دہشت گردوں کی فائرنگ سے 4 ایف سی جوان شہید اور 6 جوان زخمی ہوگئے۔

ترجمان پاک فوج کا کہنا تھا کہ تربت کے قریب ایف سی کی گاڑی بارودی سرنگ سے ٹکرا گئی جس کے نتیجے میں دو جوان زخمی ہوگئے۔

Comments

یہ بھی پڑھیں