The news is by your side.

Advertisement

وزیراعظم کی بجٹ کے نکات پر عوام کو آگاہی فراہم کرنے کی ہدایت

اسلام آباد: وزیراعظم عمران خان کا کہنا ہے کہ کورونا کے دور میں عالمی سطح پر معیشت کو سخت دھچکا لگا، پاکستان نے کامیاب حکمت عملی سے معاشی سفر طے کیا۔

اے آر وائی نیوز کے مطابق وزیراعظم عمران خان کی زیر صدارت پارٹی ترجمانوں کا اجلاس ہوا جس میں وفاقی وزرا، معاونین خصوصی، پارٹی رہنما اور ترجمان نے شرکت کی۔

اجلاس میں بجٹ میں عوام کو ریلیف، خصوصاً معاشی ترقی کو تیز کرنے کے لیے اقدامات پر غور کیا گیا، متوازن، عوام دوست بجٹ پر وزیراعظم، حکومتی معاشی ٹیم کو مبارک دی گئی۔

وزیراعظم نے کہا کہ ملکی معیشت ناصرف استحکام بلکہ ترقی کی جانب گامزن ہے، موجودہ بجٹ ترقی کا بجٹ ہے جس کا مقصد معاشی ترقی کو مستحکم کرنا ہے۔

عمران خان نے کہا کہ زراعت، انڈسٹری، ہاؤسنگ وغیرہ جیسے اہم شعبوں کو فروغ دینا ہے، حکومتی پروگرامز پر خصوصی توجہ دینے کا مقصد چیلنجز پر قابو پانا ہے۔

وزیراعظم نے کہا کہ حکومت کی کوشش ہے موجودہ بجٹ ہر طبقے کے لیے امید کی کرن ثابت ہو، بجٹ کے نکات پر عوام کو بھرپور آگاہی فراہم کریں۔

Comments

یہ بھی پڑھیں