جنگل کا بادشاہ ’شیر‘ جب شکار کی ٹھان لے تو وہ کسی بھی جانور کے پیچھے اُس وقت تک دوڑتا ہے جب تک اُسے ہڑپ نہ کرلے۔
قدرت کے قانون کے مطابق جنگلی جانور اپنی خوراک کا انتظام کرنے کے لیے اپنا شکار خود تلاش کرتے اور پھر اسے کھاتے ہیں۔
انٹرنیٹ پر آپ نے آج تک کئی ایسی ویڈیوز دیکھی ہوں گی جن میں چیتا، شیر یا کوئی اور جانور کسی دوسرے کو انتہائی مہارت کے ساتھ شکار کررہا ہے۔
عام طور پر شیر گھات لگا کر اپنے شکار کے پیچھے دوڑتا ہے جبکہ یہی انداز چیتا بھی اپناتا ہے۔ خونخوار جانور اپنے شکار کو تاکنے کے بعد تیزی سے دوڑتے ہوئے اُس پر جھپٹتے ہیں، بہت ہی کم جانور خوش قسمتی سے خود کو بچانے میں کامیاب ہوجاتے ہیں۔
مزید پڑھیں: ہاتھی کا بچہ انسانوں کے نقشِ قدم پر، حیران کن ویڈیو
یہ بھی پڑھیں: بارش یا سیلاب میں مکڑیاں خود کو کیسے محفوظ رکھتی ہیں؟ حیرت انگیز ویڈیو
انٹرنیٹ پر ایک ایسے ہی خوش قسمت زیبرے کی ویڈیو وائرل ہورہی ہے۔ جس کے بارے میں بتایا گیا ہے کہ یہ مشرقی افریقا میں واقع ملک تنزانیہ کے ایک جنگل (نیشنل پارک) کی ہے۔
اس ویڈیو کو ماسی لیجنڈ سفاری کی ٹیم نے ریکارڈ کیا اور پھر اسے انٹرنیٹ پر شیئر کیا گیا۔ زیبرا کھانے کی تلاش میں جب میدان میں پہنچا تو وہاں شیر گھات لگا کر بیٹھا تھا۔
View this post on Instagram
ویڈیو میں دیکھا جاسکتا ہے کہ شیر نے زیبرے کو شکار بنانے کے لیے اُس پر حملہ کیا تو زیبرے نے اچھل کر دو پچھلی ٹانگیں اُس کے منہ پر ماریں۔ یہ ٹانگیں پڑنے کے بعد شیر چند سیکنڈ کے لیے اپنا ہوش کھو بیٹھا جس کے بعد زیبرا وہاں سے باآسانی فرار ہوا۔