The news is by your side.

Advertisement

یو اے ای نے پاکستانیوں کے لیے جاری حکم نامہ واپس لے لیا

اسلام آباد: متحدہ عرب امارات نے پاکستانیوں کے لیے ویکسینیشن سرٹیفکیٹ کی تصدیق سے متعلق جاری حکم نامہ واپس لے لیا۔

اے آر وائی نیوز کے مطابق ترجمان دفتر خارجہ زاہد حفیظ چوہدری اور یو اے ای کے سفیر ابراہیم الزاہبی نے تصدیق کرتے ہوئے بتایا کہ ویکسینیشن سرٹیفکیٹ کی دفتر خارجہ اور سفارت خانے سے تصدیق لازمی نہیں ہے۔

یو اے ای کے سفیر کا کہنا تھا کہ فلائٹ آپریشن بحال ہونے کے بعد صرف نادرا سرٹیفکیٹ درکار ہوگا۔

ابراہیم الزاہبی کا کہنا تھا کہ پاکستانیوں کے لیے دفتر خارجہ اور سفارت خانے کی تصدیق لازمی نہیں ہوگی۔

مزید پڑھیں: کورونا سرٹیفکیٹ : متحدہ عرب امارات جانے والے پاکستانیوں پر نئی شرط عائد

واضح رہے کہ اس سے قبل خبریں سامنے آئی تھیں کہ متحدہ عرب امارات آنے کے لیے نادرا سے جاری کورونا سرٹیفکیٹ کی یو اے ای سفارت خانے سے تصدیق لازمی کرانی ہوگی۔

متحدہ عرب امارات سفارتخانہ کا کہنا تھا کہ پالیسی کا اطلاق یکم اگست سے ہوگا، عام پاکستانیوں، سفارتکاروں اور اہلخانہ پر بھی سرٹیفیکٹ کی شرط لاگو ہوگی۔

خیال رہے کہ کرونا کے بڑھتے کیسز کے باعث متحدہ عرب امارات نے پاکستان سمیت کئی جنوب ایشیائی ممالک کے مسافروں پر پابندی لگا رکھی ہے۔

Comments

یہ بھی پڑھیں