کنیکٹی کٹ: امریکا میں مسافر بردار چھوٹا طیارہ گر کر تباہ ہوگیا جس کے نتیجے میں 4 افراد ہلاک ہوگئے۔
غیرملکی خبررساں ادارے کی رپورٹ کے مطابق امریکا میں مسافر بردار چھوٹا طیارہ فنی خرابی کے باعث ٹرمپ انشورنس کارپوریشن کی عمارت سے ٹکرا کر تباہ ہوگیا۔
حادثے کے وقت عمارت میں سو سے زائد افراد موجود تھے، طیارہ گرنے کے بعد اس میں آگ بھڑک اٹھی اور دھوئیں کے بادل آسمان پر پھیل گئے۔
طیارے میں سوار دو پائلٹس اور مسافر موقع پر ہی ہلاک ہوگئے جبکہ حادثے میں ٹرمپ انشورنس کمپنی کی عمارت میں موجود کوئی شخص خوش قسمتی سے زخمی نہیں ہوا۔
جائے وقوعہ پر موجود حکام کے مطابق طیارہ میں فنی خرابی تھی جبکہ طیارہ پیٹرول سے بھرا ہوا تھا۔
VIDEO: Chad W. sent in this video of a plane that crashed into the Trumpf building in #Farmington. We have a crew on the scene and will bring you updates as they become available https://t.co/P4hszqUcRC pic.twitter.com/4jOrEB7w9I
— WTNH News 8 (@WTNH) September 2, 2021
فائر بریگیڈ حکام کے مطابق طیارہ حادثے کے فوری بعد جائے وقوعہ پر پہنچے طیارہ مکمل طور پر تباہ ہوچکا تھا اور اس میں آگ بھڑک رہی تھی، آگ پر قابو پالیا گیا ہے۔
فیڈرل ایوی ایشن ایڈمنسٹریشن کے مطابق جیٹ سیسسنا کیڈیشن 560 ایکس طیارہ شمالی کیرولینا کے مانٹیو کے ڈیرکاؤنٹی ریجنل ایئرپورٹ کی طرف جارہا تھا۔
فیڈرل ایوی ایشن ایڈمنسٹریشن، نیشنل ٹرانسپورٹیشن سیفی بورڈ اور پولیس حادثے کی تحقیقات کررہی ہے۔