ٹوکیو پیرالمپکس میں ڈسکس تھرو مقابلے میں گولڈ میڈل جیتنے والے حیدر علی کے لیے 25 لاکھ روپے انعام کا اعلان کردیا گیا۔
اے آر وائی نیوز کے مطابق ٹوکیو پیرالمپکس میں گولڈ میڈل جیتنے والے حیدر علی کے لیے پنجاب کے وزیر کھیل رائے تیمور بھٹی نے 25 لاکھ روپے انعام کا اعلان کیا۔
ذرائع کے مطابق وزیراعلیٰ پنجاب عثمان بزدار حیدر علی کو انعام سے نوازیں گے، ان کے اعزاز میں پنجاب حکومت بڑی تقریب کا اہتمام بھی کرے گی۔
واضح رہے کہ پاکستان کے حیدر علی نے پیرالمپکس ڈسکس تھرو مقابلوں میں گولڈ میڈل جیتا، حیدر علی نے تیسری باری میں 47.84 میٹر کی تھرو کی جبکہ پانچویں باری میں 55.26 کی تھرو کے ساتھ گولڈ میڈل جیتا۔
It's #Gold for #PAK! F37 discus thrower Haider Ali wins his country's first medal of the Games!
His throw of 55.26m is a personal best and almost three metres longer than second place! #Tokyo2020 #Paralympics #ParaAthletics pic.twitter.com/SD3rO1qlaF
— Paralympic Games (@Paralympics) September 3, 2021
سوشل میڈیا پر بھی پاکستانی اسٹار ایتھلیٹ حیدر علی کے چرچے ہورہے ہیں اور انہیں مبارک باد دینے کا سلسلہ جاری ہے، ٹویٹر پر حیدر علی ٹاپ ٹرینڈ بن گیا۔
قومی کرکٹرز کی جانب سے بھی حیدر علی کو مبارک باد دی جارہی ہے، فاسٹ بولر حسن علی نے حیدر کو ہیرو قرار دیتے ہوئے کہا کہ ’آپ نے پاکستان کے لیے بہت بڑی کامیابی حاصل کی ہے، شاباش ہیرو۔‘
Bohat Mubarak @HaiderAthlete!
Well done on winning the Gold medal at the #TokyoParalympics This is a huge achievement and you've made 🇵🇰 proud.
Shabaash hero 💪🏽 pic.twitter.com/qZFErtF2jd— Hassan Ali 🇵🇰 (@RealHa55an) September 3, 2021
اوپنر احمد شہزاد بھی حیدر علی کی تعریف کیے بغیر نہ رہ سکے۔
ایک صارف نے لکھا کہ ‘آخر کار ٹوکیو سے اچھی خبر آگئی، کسی نے لکھا چیمپین ہمیں آپ پر فخر ہے، صارفین اپنے اپنے انداز میں حیدر کو مبارک باد دے رہے ہیں۔
The first Pakistani to win a gold medal at the #Paralympics We're super proud of you our hero 🙏🏼 @HaiderAthlete 🇵🇰@NBCOlympics #Tokyo2020 pic.twitter.com/wlF7bmROFG
— Ahmad Shahzad 🇵🇰 (@iamAhmadshahzad) September 3, 2021
ادھر گوجرانوالہ میں حیدر علی کے گھر جشن کا سماں ہے، دوستوں اور رشتہ داروں نے ڈھول کی تھاپ پر رقص کیا، حیدر علی کے گھر پر مبارک باد دینے والوں کا رش لگ گیا، مٹھائی بھی تقسیم کی گئی۔