جمعہ, مارچ 14, 2025
اشتہار

کالج کی طالبہ کو لیکچرار کے مبینہ نازیبا پیغامات

اشتہار

حیرت انگیز

لاہور: لاہور کے کالج میں مبینہ طور پر لیکچرار نے امتحانات میں نمبر بڑھانے کے لیے طالبہ کو نازیبا پیغامات بھیجے ہیں۔

اے آر وائی نیوز کے مطابق تعلیمی اداروں میں طالبات کوہراساں کرنے کے واقعات نہ رک سکے، ایک بار پھر کالج کی لڑکی کو ہراساں کرنے کی کوشش کی گئی۔

لاہور کے ایم اے او کالج کے شعبہ سائیکلوجی کے لیکچرار نے مبینہ طور پر ایم ایس کرنے والی طالبہ کو موبائل پر نازیبا پیغام بھیجا اور نمبر بڑھانے کی مشروط پیش کش بھی کی۔

مزید پڑھیں: لاہور: ٹریفک وارڈن نے شہری کا سر پھاڑ دیا

طالبہ نے بتایا کہ لیکچرار نے اُسے نمبر بڑھانے کے لیے باہر ملاقات کرنے کی پیش کش کی۔

طالبہ کی شکایت پر پرنسپل نے نوٹس لے کر چار رکنی تحقیقاتی کمیٹی تشکیل دے دی۔ پرنسپل کا کہنا ہے کہ طالبہ کو ہراساں کرنا غیر اخلاقی ہے۔

پرنسپل کی جانب سے تشکیل دی جانے والی کمیٹی طالبہ سے ملاقات کر کے اُس سے سوالات کرے گی اور پیغامات بھی حاصل کرے گی جس کے بعد لیکچرار سے تفتیش کی جائے گی۔

اہم ترین

حسن حفیظ
حسن حفیظ
حسن حفیظ ایک نوجوان صحافی ہیں اور اے آر وائی نیوز لاہور کے لئے صحت، تعلیم اور ایوی ایشن سے متعلق خبریں رپورٹ کرتے ہیں

مزید خبریں