اے آر وائی ڈیجیٹل کے معروف پروگرام جیتو پاکستان کے میزبان اور اداکار فہد مصطفیٰ کو وسیم اکرم کی جانب سے تحفہ ملا تو انہوں نے وقار یونس سے بھی تحفے کا مطالبہ کردیا۔
تفصیلات کے مطابق فہد مصطفیٰ نے سماجی رابطے کی ویب سائٹ ٹویٹر پر وسیم اکرم کی جانب سے دیے جانے والے تحفے کے حوالے سے بتایا۔
انہوں نے سوئنگ کے سلطان کے ساتھ تصویر شیئر کی، جس میں وہ پانچ ہزار کا نوٹ ہاتھ میں تھامے ہوئے تھے اور اس نوٹ کی طرف وسیم اکرم اشارہ کررہے تھے۔
Thankyou @wasimakramlive bhai for signing this 5000 note for me 💋and @waqyounis99 you are next 😜 pic.twitter.com/glYdWqnB7t
— Fahad Mustafa (@fahadmustafa26) November 6, 2021
فہد مصطفیٰ نے بتایا کہ یہ پانچ ہزار کو نوٹ وسیم اکرم کا دستخط شدہ ہے۔ انہوں نے اس موقع پر سابق کپتان کا شکریہ ادا کرتے ہوئے وقار یونس سے بھی اسی طرح کا تحفہ مانگا۔
Make sure you bring your own note @fahadmustafa26 Misbah also got a present for you🤔 https://t.co/xkLqpFh4C6
— Waqar Younis (@waqyounis99) November 6, 2021
اداکار نے وقار یونس کو مخاطب کرتے ہوئے لکھا کہ ’اگلی باری آپ کی ہے‘۔ اس ٹویٹ کا جواب دیتے ہوئے وقار یونس نے لکھا کہ ’میں پانچ ہزار کے نوٹ پر دستخط کردوں گا مگر وہ تمھارا اپنا ہونا چاہیے‘۔ انہوں نے مزید لکھا کہ ’مصباح الحق نے آپ کے لیے تحفہ خریدا ہے‘۔