گلاسکو: پاکستان نے موسمیاتی تبدیلی سے نمٹنے کا بھارتی منصوبہ مذاق قرار دے دیا۔
اے آر وائی نیوز کے مطابق اقوام متحدہ کے زیر اہتمام کلائمٹ چینج سربراہی کانفرنس کا انعقاد کیا گیا جس میں وزیراعظم کے معاون خصوصی امین اسلم نے دھواں دار خطاب کیا اور موسمیاتی تبدیلی سے متعلق مودی کے پلان 2070 کو آڑے ہاتھوں لے لیا۔
ملک امین اسلم نے کہا کہ مودی کا2070پلان کلائمیٹ چینج کےساتھ بیہودہ مذاق ہے، بھارت خطےمیں آلودگی پھیلانےوالابڑاملک ہے، بھارت کوموسمیاتی چیلنجزسےنمٹنےکیلئےذمہ داری پوری کرنی ہوگی۔
انہوں نے کہا کہ پاکستان موسمیاتی چیلنجزمیں اپنی حیثیت سےزیادہ کرداراداکررہاہے، کلین انرجی، ماحولیات پرسرمایہ کاری وزیراعظم کاکلائمیٹ چینج ویژن ہے۔
" Under the visionary green leadership of our PM #ImranKhan, #Pakistan has taken the choice to embrace this new world – shifting to #CleanEnergy & making nature an ally rather than an adversary of development. "
Country Statement by Federal Minister Malik Amin Aslam pic.twitter.com/hYz6zmGQim— Ministry of Climate Change, Govt of Pakistan (@ClimateChangePK) November 9, 2021
ملک امین اسلم نے کہا کہ پاکستان1فیصدسےبھی کم زہریلی گیس کااخراج کرتاہے، پاکستان کےپاس اگلے10سال کامربوط پلان موجودہے۔
معاون خصوصی نے کہا کہ مودی بھارت کا2070تک کامضحکہ خیزپلان پیش کررہےہیں، وقت آگیاہےکہ ماحولیاتی تبدیلی کیساتھ مذاق بندکیاجائے۔
انہوں نے کہا کہ 10 سال میں پاکستان کو گرین ڈیولپمنٹ کے لیے 100 ارب درکار ہے، مطلوبہ رقم ملی تو امیشنز 50 فیصد تک کم کرکے دکھائیں گے۔
ملک امین اسلم نے کہا کہ وزیراعظم عمران خان نےگرین لیڈرشپ،ویژن کیساتھ دنیاکوراستہ دکھایا، ماحول کےساتھ جنگ بندکرکےسب کواپناراستہ بدلناہوگا۔
