جنوبی افریقی کرکٹر فاف ڈوپلیسی نے ٹی 20 ورلڈ کپ میں پاکستان ٹیم سے متعلق پیش گوئی کردی۔
تفصیلات کے مطابق جنوبی افریقی کرکٹر فاف ڈوپلیسی نے پاکستان کو ٹی 20 ورلڈ کپ جیتنے کے لیے فیورٹ قرار دے دیا، ڈوپلیسی نے کہا کہ پاکستان نے ایونٹ میں اب تک غیرمعمولی کارکردگی دکھائی ہے، انہیں روکنا چیلنج ہوگا۔
فاف ڈوپلیسی نے کہا کہ پاکستان کے بعد کیویز بھی ٹورنامنٹ میں یہ کارنامہ انجام دے سکتے ہیں اور وہ ایونٹ میں اس کے کافی قریب بھی آچکے ہیں۔
جنوبی افریقی کھلاڑی نے ٹی 20 ورلڈ کپ میں اپنی ٹیم کی کارکردگی کی بھی تعریف کی۔
فاف ڈوپلیسی نے جنوبی افریقہ کے بولنگ اٹیک کو ٹی 20 ورلڈ کپ کا سب سے بہترین بولنگ اٹیک قرار دیا۔
مزید پڑھیں: آسٹریلیا کو قابو کیسے کریں؟ شعیب اختر کے قیمتی مشورے
واضح رہے کہ قومی ٹیم ٹی 20 ورلڈ کپ میں اپنے پانچوں گروپ میچز میں کامیابی حاصل کی، گرین شرٹس کل سیمی فائنل میں کینگروز سے ٹکرائیں گے۔
یا رہے کہ گزشتہ روز سابق اسپیڈ اسٹار شعیب اختر نے مشورہ دیتے ہوئے کہا تھا کہ پاکستان ٹاس جیتا تو آسٹریلیا کو بیٹنگ کہ دعوت دے کیونکہ کینگروز اسپنرز میں پھنستے ہیں، قومی ٹیم کی اوپننگ جوڑی سب سے اہم ہے اگر 3 سے 4 اوورز میں کوئی وکٹ نہ گری تو آسٹریلیا ہاتھ کھڑے کر دے گا۔
ان کا کہنا تھا کہ بابراعظم اور محمدرضوان پر بڑی ذمہ داری عائد ہوتی ہے جلد وکٹ نہیں دینی آرام سے اپنا گیم کھیلنا ہے بیٹنگ لائن متوازی ہے مڈل آرڈر بلے باز بھی اچھے ہیں اور پھر پاور ہٹرز ہیں۔
