لاہور: سابق وزیراعظم اور مسلم لیگ ن کے قائد نواز شریف کی لاہور کی جائیدادیں نیلام ہونے کی تفصیلات سامنے آگئیں۔
اے آر وائی نیوز کے مطابق ذرائع کا کہنا ہے کہ نواز شریف کی لاہور کے موضع مانک میں 940 کنال 2 مرلہ سے زائد اراضی نیلام کی جائیں گی۔
نواز شریف کی موضع بدوکی ثانی میں 299 کنال سے زائد اراضی نیلام کی جائے گی۔
ذرائع کا کہنا ہے کہ موضع مال لاہور میں 103، موضع سلطان میں 312 کنال اراضی نیلام ہوگی۔
نواز شریف کی ملکیت لاہور کے اپرمال میں موجود گھر بھی نیلام کیا جائے گا، سابق وزیراعظم کی 6 جائیدادوں کو نیلام کرکے 8 ملین پاؤنڈ جرمانہ وصول کیا جائے گا۔
واضح رہے کہ بورڈ آف ریونیو (ایف بی آر) پنجاب نے سابق نوازشریف کی پراپرٹی فروخت کیلئے رہائش گاہ جاتی امرا پر نوٹس آویزاں کردیئے، جس میں کہا ہے کہ زرعی اراضی کی نیلامی 19نومبر کو کی جائے گی۔
بورڈ آف ریونیو نے نیب لاہور اور نیب راولپنڈی کے افسران کو آکشن میں شامل ہونے کی درخواست کردی ہے۔
یاد رہے ستمبر مین ایون فیلڈاپارٹمنٹس کیس میں 8 ملین پاؤنڈبرآمدگی کیلئے کارروائی کا آغاز کیا تھا ، نواز شریف پر عائد جرمانے کی رقم ایک ارب 85 کروڑ روپے کے لگ بھگ ہے۔
